PM Xanana Gusmao; “Lucia Lobato Nudar Autor Defende Kamara Kontas”

.

Jornal Nacional Diario - Segunda-Feira, 08 Abril 2013 

Primeiru Ministru Kay Rala Xanana Gusmao, fo louvor boot ba eis Ministra Justica actual Prijioneira Lucia LObato mak nuudar autor ida ne’ebe defende maka’as los atu implementa Kamara de Kontas iha Timor Leste. 

“Kamara de kontas Lucia Lobato uluk nudar Ministra, nia mak defende maka’as, ne’ebe ita kria sistema atu hametin estadu ba loron ikus ne’e atu lao oin ne’e halo nusa, hodi bele asegura katak, ita lao tuir dalan ne’ebe los,” esplika PM Xanana, ba Jornalista sira sesta (05/4) iha Palacio Governu, liu husi konferensia da imprensa. 

Xefi Governu ne’e mos hatutan, sosiedade Timorense komesa hakat pasu ba oin iha parte justisa nian, maibe oinsa mak buka nafatin atu lori nasaun ne’e ba oin, liu husi kualker aspektu. 

“Hau bele koalia tanba Lucia Lobato agora iha (Prijaun) Gleno, problema tribunal ne’e laos katak, Tribunal halo buat ida ita hotu-hotu hatudu katak, hanesan maromak, ita hotu sala, husi Tribunal mos bele sala, husi prokuradoria mos bele sala, laiha ema ida iha mundu la sala, no monu ba sentimentu oioin ne’ebe, ita tanba sosiedade kiik ita konese hotu katak, kuitadu,” dehan PM Xanana. 

PM Xanana mos fo korazen ba Prijioneiru Lucia Lobato tanba nia hanesan barani teb-tebes hasoru situasaun jeral Timor Leste nian, liu-liu iha parte justisa nian, PM Xanana mos hameno liafuan ba Prijioneira Lucia Lobatu katak, nia rasik sei la halo vizita haree Prijioneira Lucia Lobato iha prijaun Gleno, maibe nu’udar prinsipiu nia iha ne’eba. 

“Hau koalia oituan kona ba Lucia, antes hau atu han hau dehan hau sei la vizita o, mas o hatene katak, nudar prinsipiu hau iha ne’eba. Hau PM Aliansa Maioria Parlamentar nian, Lucia hakaas aan tebe-tebes atu kurizi atu hadia setor Justica, justisa ne’e para atu sai justisa la sai saida make ma halo nia, ne’e mak hau nia kumpriensaun justisa, hau la sai direitu, hau estuda, hau estuda mos la sai,” haklaken PM Xanana.

,