Jornal Independente - Kinta-Feira, 18 Abril 2013
Konfrontu entre joventude sira iha Aldeia Mate La Hotu, Suku Komoro,
rezulta vitima Jose Plastik kanek todan tanba hetan sona.
Aliende vitima hetan sona, uma ida nia vidru janela oin rahun total no
motor mega pro ida estragus tanba hetan baku no tuda husi grupu
organizadu.
Konfronta ne’e akontese iha loron kuarta (17/4) horseik iha tuku 2:30
otl, no oras ne’e vitima hetan tratamentu intensivu iha Hospital
Nasional.
Xefi Aldeia Mate La Hotu, Ana Paula Martins hatete, kasu ne’e akontese
nia la iha fatin, maibe bazeia ba informasaun ne’ebe nia hetan husi
komunidade katak, vitima ho naran Jose Plastik husi Aldeia Moris Foun
atu mai foti Lona iha aldeia Mate La Hotu mak hetan sona dala ida iha
parte kabun kotuk.
“Depois hau to’o fatin akontesementu mak hau telephone ba polisia hodi
mai identifika suspeitu ne’ebe involve iha kazu ne’e, maibe suspeitu
halai lakon,” nia hateten iha Aldeia Mate La Hotu, Suku Komoro, Sub
Distritu Don Alexo, Distritu Dili horseik.
Nia husu ba parte seguransa tenke halo esforsu hodi kaer suspeitu atu
kastigu tuir lei.
“Hau nia hakarak ne’e, familia suspeitu ne’e tenki entrega sira nia
oan ba polisia hodi halo dialogu,” dehan nia.
Iha fatin hanesan, Xefi Suku Comoro, Euriso de Jesus hateten, tipu
kazu sona malu kuaze akontese dala 6 ona iha nia suku laran.
Durante ne’e, nia sempre servisu hamutuk ho polisia komunitariu
tama-sai kada uma kain iha suku ne’e hodi sosializa informasaun ba
sira, wainhira hetan problema ruma imediata kontaktu ba autoridade
lokal no seguransa.
,
Sem comentários:
Enviar um comentário
Nota: só um membro deste blogue pode publicar um comentário.