Lucia Lobato Haruka Email Ba Amo Bispo: “Don Basilio Hakfodak”

.

Jornal Timor Post - Tersa-Feira, 23 Abril 2013 

Bispu Diocese Baucau Don Basilio do Nascimento hatete, simu kopia Email husi Prizioneira Lucia Lobato. 

“Dra Lucia haruka kopia ida dokumentu balun ne’ebe hau simu, la’os deit bah au maibe, ba Bispo ami nain tolu,” Amo Bispo Basilio Nascimento ba Jornalista sira iha ninia kna’ar fatin, Sesta (19/4). 

Bispu Basilio dehan, se buat ne’e hanesan ne’e duni, laiha razaun deskonfia dehan la’e, tanba naran ema nian iha ne’eba, ema sira ne’e responablidade Justisa iha Timor. 

 Lider Diocese Baucau ne’e lakohi atu halo komentariu barak iha publiku kona ba email maibe atu hatete de’it dehan, 

Email refere kompromete ema balun, tan ne’e, husik ba advogadu Lucia nia maka hala’o nia servisu. 

“Pelumenus hau le Email ida ne’ebe Dra. Lucia haruka mai ne’e hatama ema lubuk ida nia naran, e agora ita haree took se Email ida ne’e buat bosok ida ka, email ida ne’e buat ruma ne’ebe reflete duni ema bo’ok an iha meja okos iha momentu ida ne’e hau bele hateten de’it dehan hau lee email ida, email ida ne’e iha hau nia liman, agora husi email ida halo enterogasaun barak,” Don Basilio hateten tan. 

Amo esplika, naran sira iha email nia laran ne’ebe temi mos deputadu balun nia naran, tuir Amo Basilio, ema ida-idak iha direitu atu defende nia naran no ema ida-idak iha diretu hamoos nia naranm se akuzasaun falsu. 

 Don Basilio mos hakfodak no preokupa bainhira le email ne’ebe mak parte Lucia LObato nian haruka ba nian. 

.