SAS “Dukur” “Xanana Observa Kanu Kuak”

.

Jornal Timor Post - Sesta-Feira, 05 Abril 2013 Iha tuku 09:00 

Oras Timor Leste (OTL), Primeiru Ministru Kay Rala Xanana Gusmao hala’o inspeksaun tuir dalan iha lampu sinais Eletrisidade Timor Leste (EDTL) Cai-coli kanu bee mos kuak hodi halo be sai arbiru iha estrada, tanba ne’e Xefe Governu autoriza hodi hadia kedas. 

Xefi Governu hanesan responsabliza ba dezenvolvimentu Timor Leste nian, tanba ne’e, ho difikuldade ne’ebe mak povu infrenta kada loron sempre hakilar bee mos, ho ida ne’e Xefi Governu horseik (4/4) dadersan akompania husi nia seguransa hodi haleu iha kapital Dili. 

Wainhira to’o iha lampu merah (Sinais tranzito) caicoli EDTL nian bee ne’ebe mak sulin estraga iha estrada, tanba ne’e xefi governu para kedas hodi kontaktu kedas ba diretor nasional servisu Agua Saniamentu hodi haruka nia ekipa tekniku para taka kedas kanu be’e mos ne’ebe mak kuak. 

 “Haruka kedas tekniku SAS mai hadia kanu ne’e para be lao normal fali,”Afirma Primeiru Ministru iha caicoli Sinais tranzito nian. Hafoin ne’e, Diretor nasional ho nia ekipa teknika tun kedas hodi hadiak kanu ne’ebe mak kuak hodi afeita be mos estraga sulin iha estrada laran to’o estraga sidade laran. 

Diretor ne’e rekonese katak, kanu bee mos ne’e kuak kleur ona, maibe tanba kuak iha kedas estrada klaran no iha sirkulasaun kareta barak ba mai tanba ne’e seidauk bele halo servisu, maibe labele tanba xefe governu tun diretamente ona hodi haruka orjenti tanba ne’e tenki halo tuir no hadia kanu kuak ne’e. 

Iha inspeksaun no servisu hadiak kanu bee mos konsege hamosu enfragamentu (macet) kuaze oras rua resin, maske nune’e Polisia tranzito konsege rezolve sirkulasaun transporte. 

.