“PM Xanana Rekonese Ukun Governu AMP Osan Balun Gasta Diak No Balun La Diak”

.

Notisia Husi TVTL - Sesta-Kalan, 05 April 2013 

Primeiru Ministru (PM) Kay Rala Xanana Gusmao husu povu tomak hodi fo fiar ba Governu hodi hala’o dezenvolvimentu ne’ebe governu planeia hodi hadia povu nia moris, tamba harii estadu ne’ebe forte presiza kontribuisaun ema hotu nian. 

 Tuir mai deklarasaun kumpletu husi Primeiru Ministru Kay Rala Xanan Gusmao: “Prosesu konstrusaun estadu 2002 ba 2007 ita monta institusoens, ita buka kria lejislasoens, leis, regras, Parlamentu, Administrasaun, buat sira ne’e hotu, maos ita nia sosiedade sai husi konflitu mosu problema husi 2007 ba 2012, tamba mos ita nia povu terus tebe-tebes tinan 24 no mos 99, hala’o beibeik oituan la barak, ba partisipa konferensia oioin, ema hotu no ema boot sira hanoin hanesan hau katak, demokrasia la fo han, demokrasia instrumentu ida atupovu bele hasai nia hanoin, deskute, mais demokrasia laos instrumentu ida atu ita dehan katak, ita moris ho lia fuan ida ita soe tun soe sa’e ne’e mak ita nia sosiedade, ita nia povu, ita nia estadu ne’e moris ona. 

Hodi ne’e mak 2007-2012 nu’udar Primeiru Ministru AMP nian ami haree katak, halo reforma, reforma institusoens, reforma leis balun, monta sistema foun, monta sistema tanba ita foin mak hahu ita monta ona sistema balun ne’ebe porteze ona sosiedade tomak iha loron ikus nian, tamba ita nia sosiedade tomak mos hetan fristrasaun boot tanba servisu laiha, tanba kiak, tanba mukit, buat sira ne’e hotu maka mos tuir ita nia kbiit finanseiru ne’ebe ita iha, ita mos halo ona programas balun hodi asiste ida ne’e, loke ne’eba, loke iha ne’e. 

Tinan 5 tiha haree katak, hetan osan maibe osan balun gasta diak, osan balun gasta la diak, hodi ida ne’e maka tinan ida ne’e, ita boot sira rona beibeik ona hau dehan hadia uma laran, 2014 ba oin nee tenki fokus ona ba iha kualdiade para osan ne’ebe ohin loron ita iha ne’e bele gasta ho diak, povu tomak bele hetan diak hodi nune’e rai bele la’o,” deklara PM Xanana Gusmao. 

.