AFC 2012 Kualifikasi; “Timor Leste Manan Laos 3-1”

.

Jornal Nacional Diario - Kuarta-feira, 10 Outubru 2012 

Ekipa Nasional Futebol Timor-Leste iha jogu terseiru kualifikasaun AFF Suzuki Cup 2012, Timor Leste konsege manan Laos ho golu 3-1 husi jogu ne’ebe halao iha Estadiu Youth Training Centre, Yangon-Myanmar, Tersa (9/10). 

 Golu Vitoria Timor Leste nian ne’e loke husi Murilo Almida liu golu penalti iha minutu 43, Adelino Oliveira iha minutu 50, no Alan Pinheiro iha minutu 83, Golu laos nian hatama husi Visay Phaphouvanh iha minutu 67. 

 Ba jornalista sira iha konferensia imprensa, Treinador Timor Leste Emerson Alcantara hateten, jogu ne’e krusial tebes ba Timor Leste hodi hetan Vitoria. 

 Ho Vitoria husi rejultadu jogu ne’e, pozisaun Timor Leste tur iha pozisaun primeiru ho point 6 no total golu 8. Manan ida ne’e mos loke odamatan luan liu tan ba Timor Leste hodi hakat ba ‘putaran final’ ne’ebe sei hala’o iha Malaysia no Thailandia. Karik Timor Leste hakat nudar ‘juara grup’, Timor Leste sei hamutuk ho Tailandia, Vietnam, no Filipina iha Grupu A, ou karik Timor Leste sai runner up iha kualifikasaun ne’e sei ba hamutuk iha Grupu B ho Malaysia, Indonesia no Singapura. Timor Leste sei falta jogu ida hasoru Brunei, ne’ebe sei hala’o iha sabadu (13/10).

 Antes ne’e, Timor Leste manan kambodia (5-1) no Timor Leste lakon uma nain Myanmar (1-2), nune’e se wainhira Timor Leste hasoru Bruney iha loron 13/10 maka nanan ou impata, Timor Leste sei tama iha putararan kedua no jogu ne’e sei hala’o iha Malaysia.

.