“Bebe Oan Ida Inan Soe Iha Sintina Kuak”

.

Notisia Husi TVTL - Segunda-Kalan, 01 Outubru 2012 

Polisia investigasaun Distritu Dili foti bebe oan ida ne’ebe diskonfia ninia inan soe iha sintina laran, iha Suku madabenu, Distritu Aileu. 

Kinta feira semana kotuk iha Suku Madabenu Sub Distritu laulara, Distritu Aileu, Polisia investigasaun Distritu Dili, servisu hamutuk ho Polisia Distritu Aileu inklui komunidade sira ba foti bebe oan ida ne’ebe moris mai nia inan soe iha sintina kuak. 

Husi ekipa investigasaun informa ba jornalista TVTL katak, informasaun ne’e hato’o husi komunidade sira ba polisia tamba sira deskonfia, suspeitu CN nuudar inan husi bebe oan ne’e, soe nia oan nia isin iha sintina kuak. 

Oras ne’e dadaun suspeitu CN, polisia Distritu Aileu lori ona ba iha Aileu Vila hodi hein prosesu tuir lei ne’ebe vigora.

.