“Polisia Imigrasaun Kaptura Ema Estranjeiru 14”

.

Notisia Husi TVTL - Segunda-Kalan, 01 Outubru 2012 

Polisia Imigrasaun prende ema estranjeiru nain 14, ne’ebe uza vistu turista hodi hala’o serviso iha area karpinteiru no mos negosiu ambulantes. 

 Segunda-feira ne’e, dirasaun servisu imigrasaun liu husi divizaun fiskalizasaun hala’o inspensaun ba fatin konstrusaun iha kapital Dili no konsege kaptura ema estranjeiru 14, ne’ebe uza vistu tuirsta hodi servisu iha area karpinteriu no negosiu ambulantes. 

Supertendente Jose da Costa hanesan diretur imigrasaun hateten, inspensaun ne’e hala’o ba ema estranjeiru hanesan parte ida atu bele kumpri lei imigrasaun ne’ebe vigora ona iha Timor Leste. 

“Husu ba Timor oan sira nebe servisu iha kompania, se karik imi hetan ema estranjeiru ne’ebe servisu iha kompania ruma mak uza visa turista karik fo hatene mai para ami kaptura,” dehan Jose da Costa. 

Durante fulan janeiru to’o fulan Agustu, Polisia imigrasaun konsege kaptura ema estranjeiru hamutuk 447, ne’ebe la kumpri lei imigrasaun hodi selu multa estadu inklui ema estranjeiru ne’ebe hola ema Timor oan maibe la kumpri lei imigrasaun Timor Leste. 

Iha tempu badak Polisia imigrasaun sei hala’o deportasaun ba ema estranjeiru 14, ne’ebe uza vistu turista hodi hala’o servisu iha Timor Leste.

.