“Okupantes Rezende Rejeita Ultimatu”

.

Jornal Timor Post - Tersa-feira, 09 Outubru 2012 

Komunidade ho Estudante ne’ebe okupa hela rai estadu nian iha Eis Hotel Rezende, rejeita Total deklarasaun Administrador Distritu Dili fo prazu tan loron 15, enkuantu la kumpri governu uza forsa hasai obrigatoiru. 

“Ami rejeita deklarasaun ne’e la kondis ho ami nia kondisaun no situasaun nebe ami infrenta,” deklara Porta Voz kmunidade eis Hotel Rezende, Francelino A. Ximenes ba Jornalista sira, Segunda (08/10) iha Bairo Formoza, Dili. 

Nia dehan, parte okupantes hotu garante desizaun governu ho kontribui dezenvolvimentu nasional tuir maneira administrativamente ne’ebe eziste.

 Maibe parte estudante ho komunidade ne’ebe hela okupa rai estadu nian iha durante ne’e, maske la selu tasa ka la lisensa husi parte estadu, maibe sujere ba governu labele uza forsa, tamba komunidade sira ne’e mos koponente estadu nian Timor Leste nian. Liu-liu ba administrador Distritu Dili, tenki uza kapasidade ho dedikasaun hodi servi no rejolve problema social ruma tenki liu husi dialogu mak bele konstrutivu para evita maneira uza forsa sei la hetan solusaun ne’ebe justu. 

 “Husu Governu atu konsidera ami hanesan Timor oan, ne’ebe iha direitu ba hela fatin tuir legalidade konstituisional,” sira rekomenda. 

 Tan ne’e, iha loron 15 nia laran parte kompotente la halo dialogu ho komunidade sira iha eis Hotel Rezende sei kontinua matein nafatin katak, antes sai governu tenki kria kondisaun ba sira. 

 Ho nunee, estudante inklui komunidade nain atus hat resin, rekomenda ba voa vontade Presidenti Republika, Parlamentu Nasional Komisaun A, Vice Primeiru Ministru Social, Sekretariu Estadu Terras no Propriedades atu konsidera. 

.