Jornal Timor Post - Tersa-feira, 02 Outubru 2012
Ema estranjeiru ida husi Xina Distribui ai-moruk droga iha aldeia
Terra Santa, suku Comoro.
Sidadaun Xineza ne’e identifika hola feto Timor no halo atividade
transaksaun aimoruk droga iha parte Aldeia Terra Santa.
Ba Jornalista sira, iha rejidensia Alin Laek, Tasi-Tolu, Dili (01/10),
Xefi Suku Comoro Eurico da Costa de jesus informa katak, kazu ne’e nia
informa ona ba Vice primeiru Ministru, Fernando La sama de Araujo no
Sekretariu Estadu defesa (SED), Julio Thomas Pinto no Polisia Eskuadra
Komoro.
“Hau rasik mak lao ho polisia haree fatin iha ne’eba maka faan
ai-moruk, maibe Polisia seidauk kaptura ema hirak ne’e, ami identifika
ona ema ne’ebe distribui aimoruk iha Aldeia Terra santa, ema ne’e
sidadaun Xineza ida no hola ema Timor” dehan Eurico.
Autoridade lokal ne’e mos informa katak, durante ne’e sidadaun xineza
ne’e utiliza nia kaben maka distribui ka fa’an aimoruk droga iha
kapital Dili.
Nune’e mos faktus ne’ebe hetan mak hanesan, kuda ai-moruk aat iha
Bairo-Pite, Markoni, Aimutin no Comoro Kampung Baru.
.
Sem comentários:
Enviar um comentário
Nota: só um membro deste blogue pode publicar um comentário.