PR Taur: Se Mak Subar Xanana No Taur Matan Ruak, Ema Ne’e Espesial...

.

Notisia Husi TVTL - Segunda-Kalan, 08 Outubru 2012 

“Ema Balun Hetan Maluk Foun No Hetan Diak Halua Tiha Nia Maluk Ne’ebe Subar Nia Durante Situasaun Difisil” 

 Prezidenti da Republika hato’o agradesementu ba Povu iha Suku Liurai, Distritu Aileu, tamba fo sira nia kontribuisaun durante tempu rejistensia. 

 Xefe Estadu hato’o lia fuan hirak ne’e, wainhira hala’o tiha vizita ba iha nia subar fatin iha Suku Liu-Rai, ne’ebe kompromete mos sei hala’o koperasaun ho Governu atu loke estrada ba komunidade. Vizita Taur Matan Ruak iha fatin refere, akompania husi asesor no eis deputadu L7 no komunidade sira ho la’o ain. 

 Taur Matan Ruak hateten, vizita ne’ebe hala’o espesial tebes hodi hare diretamente fatin ne’ebe uluk nia subar hodi halo funu no halo kontaktu iha Dili, manatutu no ba fatin seluk. Iha vizita ne’e, prezidenti da Republika mos fo nia agradesementu ba iha suku refere, espesial ba populasaun ne’ebe subar Taur Matan Ruak ho gerileiru sira. Taur Matan Ruak hateten, ema sira ne’ebe subar Xanana no Taur Matan Ruak ne’e, ema idake espesial. 

 “Hau nia vizita iha ne’e, fatin ida ne’e espesial tebes, kuandu hau sai hanesan Vice komandante enxefe Forcas Armada, iha ne’e mak hau ba Dili, iha ne’e maka hau ba Mnatutu, I ba fati-fatin, durante fulan barak nia laran, hau nia vizita ida ne’e, primeiru lugar agradese sira i espesial ba sira ne’ebe lakon sira nia tempu, didika sira nia tempu no domin baa mi sira ne’ebe subar iha ne’e, hau ho hau nia gerileiru sira, mais sira ne’ebe subar Xanana ho Matan Ruak, sira ne’e espsial liu, tamba la’os ema ida nara-naran maka subar, signifika katak, sira iha konfiansa ida ke ultra passa, limites, parake hau bele brani, toba hakmatek iha uma laran ne’e, sempre preokupa ho seguransa e hanoin de’it ba nasaun nia independensia, entaun, pirke sira espesial liu hau fila fali mai.

 Normalmente funu hotu, ema nia kakutak ne’e badak, kuandu hetan diak tiha haluan tiha sira ne’ebe iha susar nia laran tau matan ba sira, ida ne’e istoria funu barak hatudu ida ne’e, liu-liu sira ne’ebe matenek, hetan diak ona halua tiha ema sira ne’ebe ajuda, ema sira ne’ebe trata sira tuir situasaun difisil, tamba sira hetan maluk foun ona, hau (Taur) halo esforsu ida para labele monu ba ida ne’e, entaun mesmu knaar misaun estrutura nasaun nian, hau sempre fila hau nia an hanesan sidadaun normal, mai fo fomin ba sira,” deklara Taur Matan Ruak. 

Durante vizita iha fatin refere, Prezidenti da Republika Taur Matan Ruak mos kompromete sei kpera ho governu atu ke’e estrada ba fatin refere ho distansia Kilometru 2.

.