Governu Fo Ultimatu Loron 30 Ba Okupante Hotel Rezende: “Estudante Halerik Ba Hela Fatin Hodi Kontinua Estudu”

.

Notisia Husi TVTL - Kuarta-Kalan, 03 Outubru 2012 

Komunidade 414 ne’ebe hela iha Eis Hotel Rezenda sei la hamamuk propriedade estadu nian, wainhira governu la kria kondisoens diak ba sira hodi kontinua sira nia moris. 

 Tuir komunidade sira katak, vida ekonomia iha kapital Dili difisil, tamba ne’e husu governu tenki kria hela fatin ba sira. Ezizensia ne’e, hato’o husi komunidade ne’ebe maioria estudante husi eskola sekundaria to’o Universidade ne’ebe oras ne’e dadaun hela iha Eis Hotel Rezenda, relasiona ho karta notifkasaun husi dirasaun nasional Terras e Propriedades ne’ebe fo loron 30 ba sira atu hamamuk Eis Hotel Rezende ne’ebe hanesan Propriedade estadu nian. 

Tuir komunidade sira katak, sira sei kontinua hela iha fatin ne’e, wainhira governu la fo kondisaun ba sira. 

 “Governu mai halo dialogu ho ami, tamba ami mesak estudante sira, se ami sai husi ida nee, oinsa mak ami bele kontinua ami nia estudu,” dehan Estudante ne’ebe hela iha fatin refere. 

Ho situasaun moris ekonomia ne’ebe difisil iha kapital Dili, obriga sira tenki okupa propriedade estadu. 

Total komunidade ne’ebe maioria estudante hela ha eis Hotel Rezende hamutuk 414, Hotel Eis Rezende aliende sai hanesan hela fatin ba sira, komunidade sira hala’o mos negosiu kiik hodi hatutan sira nia vida ekonomia uma laran.

Nota do blogue: Lá estão os CABRÕES a maltratarem outra vez este povo que já é tão vulnerável.Tenham vergonha nestes vossos grandes cornos, seus pulhas!

.