Governu Sosa Makina Fase Raan Maibe Laiha Rekursu Umanu Atu Tau Matan: “HNGV Kontinua Transfere Pasiente Ba Liur

.

Jornal Nacional Diario - Tersa-feira, 02 Outubru 2012 

Maski makina hemodialisa fase ran nian funsi ona iha Hospital Nasional Guido valadares (HNGV) atu fo asistensia ba pasiente sira, maibe to’o agora seidauk utiliza masimu, tanba sei menus rekursu humanus atu halo operasaun ba makina ne’e. 

 Ho falta rekursu humanu ne’e, HNGV kontinua halo transferensia pasiente ba rai liur, la’os ne’e de’it, iha Hospital refere sei falta fasilidade ho ekipamentus balun iha departemenetu hemodialista nian. Xefi Unidade Hemodialisa HNGV, Evangelino da Costa, informa katak, makina Hemodialisa ne’e funsi tiha ona iha fulan sia liu ba, maibe HNGV kontinua sei transfer pasiente ba rai liu, tanba sei menus liu rekursu humanus atu utiliza makiba fase ran ne’e. 

 “Talves aban (02/10) sei trnsfer tan pasiente ba Hospital darmo-Surabaya, tanba makina fase ran iha HNGV funsiona maibe sei falta rekursu humanus Timor oan ne’ebe sai doutor Neprolosista seidauk iha,” Evangelino informa ba JNDiario iha HNGV, Dili, segunda (01/10). 

Nia mos afirma katak, oras ne’e dadaun enfermeirus nain 2 husi Indoensia no doutor Cubanu nain ida mak akompania Timor oan nain 9 hodi serviso iha departementu Unidade hemodialisa. 

.