Veteranus Alin Laek Hetan Atakes; “La Sama Husu PNTL Kaer Kriminozu”

.

Jornal Nacional Diario - Tersa-feira, 02 Outubru 2012 

Veteranus no actual Prezidenti Interinu Komisaun homenazen Alin Laek, hetan atakes no viotima ba hahalok juventude Bairo Tasi-tolu, ne’ebe maka konfronta malu, iha Domingu (30/9). 

Akontesementu atakes ne’ebe akontese iha tuku 16.00 Lorokraik OTL, ne’e rezulta ema ida kanek no Veteranu Alin Laek nia uma rahun. Nune’e Vice Primeiru Ministru Fernando La sama de Araujo husu ba Polisia Nasional Timor Leste (PNTL) atu labele tolera kriminozu sira atu lao livre. 

Veteranu Alin Laek oras ne’e asumi kargu nuudar Prezidenti Interinu Komisaun Homenazen, nia hetan asaltu husi joven balun iha Tasi-Tolu, Loron domingu 30 Setembru, foin lalais ne’e, maizu menus tuku 04:00 lokraik OTL. 

Vitima Alin Laek konta kronolojia katak, depois nia hala’o atividade resensiamentu dadus luta nain sira iha Distritu baucau, sira fila ba hela fatin Tasi-tolu, Dili, iha tuku 16:00 lokraik, foin hatu tur hodi hemu bee manas, nia rona katak, ema baku malu no rejulta ema balun kanek ona, tanba ne’e, Alin Laek mos hakat ba fatin akontesementu ho intensaun atu hakalma Joven sira neebe involve oha problema ne’e. 

“Hau to’o iha fatin akontesementu haree joven ida kanek, nune’e hau kontaktu ba Komandante Polisia Distritu Dili, Pedro belo atu haruka nia membru hodi kaer joven sira ne’ebe involve iha problema ne’e, derepenti joven balun hakilar lia fuan dehan serang-serang (Ataka),” esplika Alin Laek iha rezidensia Tasi-Tolu, Dili (01/10). 

Tuir informasaun ne’ebe maka Alin Laek hetan katak, ema ne’ebe halo problema ne’e ho inisial J, M hela iha Tasitolu no G hela fatin iha BTN 1. 

 Entertantu, iha fatin hanesan, Primeiru Ministru Interinu V Governu Konstitusional, Fernando La Sama de Araujo husu ba Komando Polisia Nasional Timor Leste (PNTL) atu labele tolera kriminozu lao livre, maibe tenki buka tuir para kaer, nune’e prosesu tuir lei no orden ne’ebe vigora iha nasaun ida ne’e. 

.