Jornal Timor Post - Kuarta-feira, 03 Outubru 2012
Governu liu husi Dirasaun Nasional Transporte Terrestre (DNTT), tuir
lei numeru 30 disidi ona atu trava importasaun transporte hanesan
kareta ho motorizada husi liur ho produsaun tinan lima mai kraik, ida
ne’e atu evita polusaun ne’ebe afeita ba ema nia saude.
Diretor DNTT Silvestre de Oliveira hateten, regulamentu ne’e halo iha
premeira Governu konstitusional, fo oportunidade atu bele hatama
kareta no motor ho produsaun bele tinan 10 mai kraik.
“Ita hetan maka importasaun ‘dealer’ ne’ebe tinan produsaun tinan
lima, wainhira informasaun husi dealer la klaru to’o iha portu, kareta
no motorizada sei sobu no fa’an ketak nia pesa, se lae haruka fila,”
Silevestri Oliveira esplika ba jornalista sira iha servisu fatin,
Balide, Tersa (02/10).
Nia dehan tan, iha Governu Aliansa maioria Parlamentar (AMP), dekretu
lei kontinua regula importasaun kareta ka motorizada ho produsaun
tenki tinan lima mai kraik no labele liu.
“Ida ne’e, tuir dekretu lei numeru 30 ne’ebe tinan produsaun tinan
lima, minimu produsaun tinan 2007,” Silvestri esplika.
.
Sem comentários:
Enviar um comentário
Nota: só um membro deste blogue pode publicar um comentário.