Jornal Timor Post - Kuarta-feira, 03 Outubru 2012
Klinika Nosa Senhora Gleno, Distritu Ermera preokupa tebes ho
distribuisaun Aimoruk husi servisu autonomia e Medikamente de
Equipamentos saude (SAMES) tanba ai-moruk ne’ebe distribui la tuir
moras ne’ebe iha.
“Ami hato’o relatoriu ba SAMES bazeia ba moras ne’ebe afeita ba
pasiente sira, maibe realidade, durante ne’e si distribui fali
ai-moruk oin seluk,” informa Xefe Sentru Klinika Nossa Senhora Gleno,
tersa, foin lalais ne’e.
Nia hatutan, durante fulan 8 ona, pesoal saude inklui pasiente sira
presiza aimoruk ampinklin maibe aimoruk ne’ebe SAMES distribui la tuir
relatoriu ne’ebe klinika hato’o.
hatan kona-ba kestaun ne’e, Vice Ministra Saude asuntu estika e
prestasaun servico, Natalia de Araujo hateten, Statutu Servisu
autonomo e medicamente de equipamentus saude (SAMES) to’o oras ne’e
seidauk pronto atu sai hanesan empreza publiku, maske aprejenta ona ba
Ministeriu Publiku.
Natalia mos hatutan tan katak, durante ne’e, maske SAMES hetan fundus
husi Ministeriu Saude, maibe la dun responde nesesidade ne’ebe iha,
tanba Ministeriu rasik la involve iha laran.
.
Sem comentários:
Enviar um comentário
Nota: só um membro deste blogue pode publicar um comentário.