Kompania Lori Woodside Ba Tribunal: “PGR Ana Pessoa: Dokumentus Woodside Ho Conoco Philips Dezastre”

.

Jornal Timor Post - Tersa-feira, 09 Outubru 2012 

Kona-ba kompania atu lori Woodside ba Tribunal, Prokuradoria Ana Pessoa Pinto hateten, dokumentu Woodside ho Chonoco Philips dezastre oituan, tanba sira la kumpriende kona-ba lei Timor Leste.

 “Hau hatete ba komunidade katak, sira (kompania-red) nia intervensaun dezastre tebes, sira la hatene lei Timor Leste, tanba ne’e sira produs dokumentu ida ne’ebe maka juis haruka hasai husi prosesu, tanba rekerementu ida ne’ebe anomalu no tanba anomalu haruka dezentrana hasai tiha husi prosesu,” Ana Pessoa Esplika.

 Nia hatutan, Ministeriu Publiku la’os atu defende governu maibe defende estadu, tanba ne’e, antes ne’e, Ministeriu Publiku hato’o ona kontestasaun hodi defende kondenasaun kompania hasoru estadu. “Knaar Ministeriu Publiku nian la’os atu defende Governu, maibe atu defende Estadu Timor Leste, ne’eduni mak ami halo, ami la halo ida ne’e karikita nia estadu hetan ona kondenasaun husi Tribunal iha asaun sira ne’ebe folin boot liu duzentus sinquenta Miloens (U$250 miloens),” tenik Ana Pessoa ba Jornalista sira iha Palasiu Prezidensial, Segunda (08/10), hafoin sorumutu ho Prezidenti Republika Taur Matan Ruak. 

Tuir nia katak, agora dadaun estadu la hetan ona kondenasaun maibe agora dadaun Problema selu taxa ne’e kompania atu lori fali ba Tribunal tenki tuir lei ne’ebe maka vigora iha Timor Leste. Tanba ne’e, presiza estadu Timor Leste nia konfiansa ba nia instituisaun ne’ebe kaer justisa liu husi meus tomak atu reforsa Ministeriu Publiku. 

“Hau hanoin katak, Governu tenki fo meus tomak atu reforsa Ministeriu Publiku mak instituisaun Timor-Leste, laos advogado Privadu husi Amerika,” nia haklaken. 

Antes ne’e, Primeiru Ministru Xanana Gusmao hateten, nia seidauk iha konfiansa maioria ba advogado Timor-Leste, tanba ne’e, nia desidi kontratu advogadu husi Amerika. Maibe, Prokuradoria Ana Pessoa lakohi hatan ba kestaun ne’e, maibe, nia justifika de’it katak, advogado Timor oan hetan ona kapasitasaun liu husi sentru formasaun. 

 “Hau hanoin ita nia advogadu privadu balun hetan tiha ona kursu liu husi sentru formasaun, tanba ne’e, hau fiar katak, sei bele,” Ana Pessoa haklaken. 

.