Notisia Husi TVTL - Kinta-Kalan, 04 Outubru 2012
Komunidade Aldeia Terus la Hotu Suku Vila-Verde durante ne’e nunka
hetan asesu ba bee moos, komunidade sira mos aprejenta ona kazu ne’e
no proposta ba dirasaun kompotente maibe laiha solusaun.
Problema bee moos sai hanesan kestaun ne’ebe sempre kestiaona husi
komunidade, inklui komunidade husi Aldeia Terus la hotu, durante ne’e
komunidade sira sempre hato’o sira nia problema maibe nunka hetan
solusaun husi parte SAS.
Sira mos haktuir katak, durante tempu udan mota sempre estraga
kanalizasaun bee, ne’ebe dada husi mota ba uma komunidade nian, tamba
ne’e komunidade husu ba governu atu toma atensaun ba problemas ne’ebe
sira hasoru.
“Durante ne’e ami halerik ba bee moos maibe laiha bot ida mak tau
matan, nusa mak Ministru sira, parlamentu sira la tau matan ba ami,
ami Aldeia terus nain mak aat hela de’it, ami terus barak ona, uluk
ema baku ami, agora ami terus tan bee moos, estadu ida ne’e iha
kampania dehan, tenki hili hau, tenki foti hau, ami hili tiha bot sira
ba tur tiha iha leten hateke atan oan sira iha kraik ne’e la hetan, fo
atan oan sira ba mate de’it,” lamneta komunidade Aldeia Terus nain.
Komunidade iha fatin refere mos husu ba Governu atu tau Bronzo ba Mota
malua, atu nune’e, tempu udan labele estraga komunidade nia uma.
.
Sem comentários:
Enviar um comentário
Nota: só um membro deste blogue pode publicar um comentário.