Notisia Husi TVTL - Kinta-Kalan, 04 Outubru 2012
Prezidenti da Republika husu ba povu tomak atu fo kontribuisaun hodi
buka solusaun ba infraestrutura, eletrisidade inklui kria kampo
serviso iha rai laran, Sefe Estadu Taur Matan Ruak hato’o lia fuan
hirak ne’e, relasiona ho rejultadu vizita trabalho ba sub Distritu
Foho-re, Distritu Covalima ne’ebe akompania husi Premeira dama Isabel
Pereira ho mos membru governu.
Prezensa Prezidenti da Republika Taur Matan Ruak iha foho-re simu
kultura tradisionais no dram ben husi estudante no populasaun no
autoridade lokal.
Objetivu husi vizita ne’e atu rona no hare diretamente kondisoens
ne’ebe populasaun sira hasoru iha area rurais.
Iha oportunidade ne’e, Prezidenti da Republika husu ba ema tomak atu
fo kontribuisaun hodi rejolve problema infra-estrutura, eletrisidade
no kria kampu de trabalo ba joven sira.
Taur Matan Ruak mos orguilho ho Timor oan hotu ne’ebe servisu maka’as
hodi asegura seguransa durante eleisaun Prezidensiais no Parlamentais.
Hafoin sorumutu, Taur matan Ruak ho ninia komitiva kontinua hala’o
vizita iha eskola Ensino bazika Foho-Re, eskola sekundaria foho-re,
postu F-FDTL iha Tiliomar, sentru CCT hakiak animal inklui komandu UPF
iha Tiliomar, Xefe Estadu mos vizita administrasaun Tiliomar, Hospital
referral Suai, Monumentu masakre Setembru no igreija Suai.
.
Sem comentários:
Enviar um comentário
Nota: só um membro deste blogue pode publicar um comentário.