Misaun ONU Sei Reamata Iha Fulan Dezembru; “PM Xanana Intrega Relatoriu Ba ONU”

.

Notisia Husi TVTL - Kinta-Kalan, 04 Outubru 2012 

Primeiru Ministru Kay Rala xanana Gusmao hato’o realtoriu ba Asembleia Jeral ba mandatu nasoens Unidas nian ne’ebe sei remata iha fulan dezembru tinan ida ne’e. 

Primeiru Ministru mos sublinha katak, povu Timor Leste sei mantein estabilidade iha Timor Leste. Primeiru Ministru Xanana Gusmao Kuarta-feira loron 25 oras Nova Yorke hato’o diskursu kona ba misaun UNMIT hodi tulun Timor Leste iha politika internal. 

 Diskursu ho lian ofisial portugues ne’e, Xanana Gusmao deklara kona ba mandatu Nasoens Unidas nian atu remata nia misaun iha fulan Dezembru tinan 2012. 

 Primeiru Ministru hafoin nia diskursu iha Asembleia jeral Nasoens Unidas ba TVTL hateten, misaun ONU nia remata iha Timor Leste, bazeia ba matoridade politika povu Timor Leste nian, liu husi eleisaun Prezidensial ho Parlamentar ne’ebe hetan paz no estabilidade, tamba ne’e, UNMIT nia misaun hotu, povu rasik tenki kontinua matein paz no estabilidade atu mundu bele kontinua depozita konfiansa ba nasaun Joven Timor Leste. 

Vizita Primeiru Ministru ba Nova Yorke iha tinan ida ne’e, hanesan Primeiru Vizita ne’ebe Chefi Governu hala’o, hafoin de hetan fiar ba dala rua husi povu ba kaer governu.

.