Notisia Husi TVTL - Kinta-Kalan, 04 Outubru 2012
Xefe de familia tolu la konkorda ho atetude Eis Deputada Parlamentu
Nasional Maria Expostu neebe uza forca hodi halo mudanca obrigatoriu
ba rai ne’ebe sira okupa durante tinan barak nia laran, sein respeita
ba desizaun Tribunal.
Rai ne’ebe lokaliza iha parte Kolmera ne’e, okupa husi Xefi de familia
tolu durante tinan barak nia laran, kompleta ho sertifikadu Portugues,
rai refere konsege sai desputa no ikus mai tenki submete ba Tribunal
Distrital Dili, maske seidauk hetan desizaun definitivu, maibe iha
kinta-feira ne’e, mosu problema foun.
Tuir xefe de familia tolu ne’e, sira la konkorda ho atetude eis
deputada parlamentu Nasional Maria Expostu tamba uza forsa hodi halo
mudanca obrigatoriu ba sira sein respeita ba desizaun Tribunal, grave
liu rai refere deskonfia fa’an tutan ba ema estranjeirus.
Hatan ba kestaun ne’e, Eis deputada Parlamentu Nasional Maria Expostu
hateten, informasaun ne’ebe hato’o husi Xefe da familia tolu ne’e,
lalos no nia konsidera estetimentu ne’e ho intensaun atu bele hadau
nia diretu nuudar nain ba rai, tamba nia rasik iha mos certifikado
tempo portugues no Indonesia.
Tuir informasaun ne’ebe TVTL hetan iha terenu, problema refere sira
konsege kontaktu direta ba ekipa Polisia Nasional Timor Leste atu hodi
atua maibe sira la fo resposta.
.
Sem comentários:
Enviar um comentário
Nota: só um membro deste blogue pode publicar um comentário.