Negosiasaun Greater Sunrise: “Luta Hamutuk: Governu Labele La’o Mesak”

.

Jornal Nacional Diario - Kuarta-feira, 03 Outubru 2012 

Diretur ezekutivu Luta hamutuk Mericio Akara hateten, Projeitu Zona eskluzivu Greater Sunrise atu mai Timor Leste presiza kontribuisaun entidade hotu nian, laos Governu gava-an lao mesak ba halo negosiasaun ne’ebe to’o ohin loron laiha rezultadu. 

Mericio Realsa katak, Governu iha posiblidade re-negosia, maibe Luta Hamutuk duvida maka Timor Leste bele hetan nafatin porsentu 50 ne’e ka la’e, ou keta halo nia pursentu tuna tan fali. “Ita hotu hakarak GS mai TL, maibe ital abele gava-an atu lao mesak ba halo negosiasaun, sem involve entidade hotu,” dehan Mericio ba JNDiario, Tersa (02/10 iha nia knaar fatin Farol, Dili. 

 Mericio salienta, tuir Luta Hamutuk nia observasaun durante ne’e, teknikamente dala ruma Governu ba enkontru laiha mudansa importante hodi fo rezultadu ne’ebe sign ifikante, tanba la involve ema hotu. 

Tuir Luta Hamutuk, diak liu, iha negosiasaun ne’e furak liu, involve entidade seluk, liu-liu ema sira ne’ebe iha esperensia asuntu mian no gas, esperensia diplomasia negosiasaun i bele involve mo slider opozisaun Dr. Mari Alkatiri, eis Prezidenti republika Ramos Horta no eis Ministru negosiu estranjeiru Zacarias Albano. 

 Nia hateten, lolos Governu tenki soe hahalok egoista ne’ebe mak halo prosesu negosiasaun lalao ba oin, tanba lakohi loke an, la rona ema seluk nia idea, la involve ema i mos lakohi konsulta barak, hakarak mesak ba deit atu deside entaun realidade mak agora sira sei la desidi buat ida. 

 “Atu ita manan iha negosiasaun tenki involve husi Prezidenti, Parlamentu, Tribunal, Sosiedade sivil, Igreija, Opozisaun no akademiku hamutuk lia ida deit, labele ba mesak deit, tenki iha politika id aprofunda atu hasoru negosiasaun ne’e, tanba ema ne’e business, ne’ebe nia mos lakohi atu lakon,” Sujere Mericio Akara. 

“Se halo foun kontratu ne’e ami seidauk iha garantia katak TL nafatin porsentu 50 ka lae, tanba ita hatene negosiasaun ne’e laiha ida maka atu lakon, no laiha ida mak atu manan, diak liu esforsu an para rejolve lalais kestaun pipeline para aselera dezenvolvimentu, ami hanoin, ne’e dever governu nian para halo negosiasaun, ami sosiedade sivil hanoin katak, ita tenki realistiku, ita avansa ho saida maka ita iha, esforsu an rezolve lalais pipeline hodi lori mai Timor Leste,” nia haktuir.

.