Jornal Independente - Kuarta-feira, 03 Outubru 2012
Negosiu Protituisaun iha Timor Leste kontinua buras tanba la hetan
atensaun seriu, instituisaun Polisia Nasional Timor Leste (PNTL) dala
barak koalia iha garganta de’it, maibe la halo operasaun rutina.
Tanba ne’e, membru Parlamentu nasional (PN) husu ba membru PNTL sira
atu tau kestaun ne’e nuudar asuntu seriu kuandu hakarak duni atu
kombate segosiu kabeen iha Timor.
Prezidenti Komisaun B PN, Asuntu defeza no Seguransa, deputada Maria
Lurdes hateten, PNTL presiza halo operasaun ka partoliamentu rutina
iha area sira neebe loke protistuisaun.
Tanba nia dehan, atividade protistuisaun, droga no seluk tan difisil
atu lakon iha nasaun ida kompara ho Timor Leste neebe ema estranjeiru
barak mak sei serkula iha teritoriu tomak.
Nia mos hatutan tan katak, atividade protistuisaun ne’e hetan
protesaun husi elementu PNTL balun, ne’e duni komando presiza halo
operasaun rutina no kria sistema diak hodi deskobre no taka atividade
ne’e.
Ba kestaun ne’e, iha uma fukun Parlamentu Nasional, deputadu Antonio
dos Santos ‘55’ husi bancada FRETILIN hateten katak, importante tebes
komando PNTL taka atividade protituisaun, tanba nuudar nasaun ida
ne’ebe foin hamriik, esforsu atu adapta dezenvolvimentu, maibe sei
afeita ba futuru bainhira laiha atensaun hodi kombate protistuisaun.
“Protistuisaun ne’e afeta liu mak ba jerasaun foun, kuandu ita la
kuidadu sai vitima ba mundu modernu no dezenvolvimentu,” dehan nia.
Nia mos dehan, aliende halo operasaun ba atividade ne’e, governu mos
presiza kria sistema ne’ebe diak atu protistuisaun ne’e bele minimiza.
.
Sem comentários:
Enviar um comentário
Nota: só um membro deste blogue pode publicar um comentário.