“PDHJ Lamenta Rehabilitasaun Moru MSS”

.

Jornal Timor Post - Sesta-feira, 12 Outubru 2012 

Provedor de Direitus Humanus e Justica (PDHJ) Sebatisao Dias Ximenes lamenta ho projetu reabilitasaun eis edifisiu no moru (pagar) Ministeriu da Solidaridade Social (MSS) tanba tuir observasaun PDHJ katak, Edifisiu, liuliu moru MSS nian sei kondisaun di’ak no foin hadia iha 2010. 

Tuir Provedor katak, ne’e gasta osan estadu nian ne’ebe la iha benefisiu, portantu lolos ne’e, kuandu ita hakarak halo reabilitasaun ba buat ne’ebe sei diak no foun tau fali buat foun seluk, ne’e hatudu katak, ita gasta osan povu nia arbiru de’it. 

Tanba, ita hotu hatene katak, iha eskola barak iha Distritu inklui mos eskola sira iha Kapital Dili rasik mos ho kondisaun ne’ebe at tebes maibe seidauk hadia, nusa mak osan ne’ebe atu reabilita muro MSS nian ne’e la uza ba buat seluk hodi ajuda ema kiak sira. 

 Provedor husu ba MSS atu iha sentidu solidaridade ba buat seluk ne’ebe que seidauk hadia presiza hadia mos ho osan estadu nian. 

 Provedor mos la fo kupla ba kompania ne’ebe kaer projeitu ne’e, maibe kestiaona deit mak orsamentu estadu ne’ebe utiliza ba projeitu ne’e, iha instituisaun barak que seidauk iha edifisiu rasik, tansa governu tenki gasta osan barak ba edifisiu MSS nian ne’ebe foin hetan Edifisiu foun. 

 Provedor mos iha nia kompetensia atu superviziona funcionamentu kna’ar Governu nian no orgaun sira seluk, nune’e, provedor telefone ona ba parte MSS no ADN atu hare kona ba kestaun ne’e, para que osan povu nia labele gasta arbiru deit.

.