Povu Deskonfia Sekretariu Estadu Eletrisidade Halo Diskriminasaun: “Komunidade Suku Madabenu Kontinua Moris Iha Nakukun Laran”

.

Notisia Husi TVTL - Tersa-Kalan, 02 Outubru 2012 

Komunidade Suku Madabenu la satisfas ho serviso sekretariu Estadu Eletrisidade, tamba to’o oras ne’e sira la hetan enerjia eletrisidade. 

Rin eletrisidade funsiona hodi fornese energia eletrika ba Distritu Aileu no Maubise maibe iha sira nia suku seidauk asesu energia eletrika. 

 Konstrusaun ba rin eletrisidade husi Dili to’o Aileu no maubise pronto hotu ona no oras ne’e oferese ona enerjia eletrika ba konsumidores sira iha Distritu ne’ebe refere, maibe perguntas boot ida ba komunidade sira iha Suku madabenu, tuir lolos sira tenki hetan uluk energia eletrika, tamba molok atu tama to’o iha Aileu no Maubise tenki liu uluk husi sira nia Suku Madabia, maibe realidade to’o oras ne’e sira sei kontinua moris iha nakukun laran. 

 Povu sira oras ne’e dadaun duvida ba servisu Ministeriu ne’ebe relevante, tamba sa no rajaun saida? iha idreitu ka la’e?, komunidade sira iha Suku madabenu asesu ba energia eletrisidade. 

“Fihu ne’e dada liu husi ami nia leet mais ahi la asesu ba ami, Aileu ho Maubise lakan tiha ona, maibe ami mak kontinua nakukun hela deit, keta halo diskriminasaun baa mi karik, ami la hatene,” lamenta komunidade Madabia. 

 Komunidade sira hato’o asuntu ne’e, tamba to’o oras ne’e, laiha informasaun husi funsionariu EDTL ruma kona ba problema ne’ebe sira infrenta.

.