“PR Taur Husu Veteranus Lalika Preokupa Grau 3”

.

Jornal Timor Post - Kinta-feira, 04 Outubru 2012 

 Prezidenti Republika Taur Matan Ruak husu ba veteranus sira, lalika preokupa, tanba hein ona iha tinan 27 nia laran, nusa mak hein deit iha tinan ida nia laran ne’e labele, husu tenki hein pasensia. 

Prezidenti hato’o lia hirak ne’e, bainhira hala’o vizita ba iha Distritu Covalima, hahu sub Distritu Fohorem, Tilomar, Suai Villa no dala ikus iha Suku matai, Sub Distritu Maukatar, foin lalais ne’e, katak veteranus barak mak ezizi atu hadia lei veteranus nian. 

Taur haktuir katak, nuudar Prezidenti Republika konseitu ida ne’e tamba primeira ves iha istoria ho ema nain rua ne’ebe lidera hodi manan funu, tanba ne’e, laiha autoridade moral ba hateten hodi bele halo liu, duke ema nain rua. 

 Maibe, ema nain rua ne’e determinadu para ajuda ultra passa problema veteranus nian, hakarak hateten tan dala ida, imi nia servisu seidauk hotu, labele deham ami halo tiha ona no hein de’it mak ida agora, ne’e lae’.

 “Maibe ida seidauk halo ne’e barak liu, tanba ne’e, ema nain rua ne’e sei kontinua fatain para halo servisu hamutuk ho sira, e presizu veteranus sira hotu hanoin ida ne’e,” haktuir Prezidenti da Republika ba jornalista sira iha Suco Matai, Kuarta (3/10). 

Prezidenti da Republika Taur Matan Ruak mos husu ba veteranu sira hotu labele hanoin de’it ba iha sira nia luta ne’e, maibe tenki hanoin ba oan sira nia futuru. 

Prezidenti Taur husu ba veteranu sira hotu, antigus kombatente desde husi diplomatiku nian, frente klandestina nian, Frente Armada, dala ida tan hamutuk para hot-hotu servisu hodi hodi manan tan ida ne’e. 

 Prezidenti haktuir tan katak, uluk ita lori ita nia rain, ita nia mate hodi manan ukun an, agora ita hisik ita nia kosar been hodi manan tan moris diak ida ne’e mak nuudar Xefi estadu nia hakarak. 

.