“Projetu Estrada Dili Hanesan Taka Kalsa Kuak”

.

Jornal Nacional Diario - Kinta-feira, 04 Outubru 2012 

Projetu taka kuak iha estrada Dili ne’ebe kaer husi kompania barak kontinua laiha kualidade, tamba estrada ne’ebe taka, kontinua kuak fila fali wainhira liu tiha fulan 2 ou 3. 

 Ho realidade ne’e, kondutor transporte publiku no privadu sira konsidera kompania sira ne’ebe kaer projeitu taka kuak estrada iha kapital Dili, laiha nasionalismu tanba hanoin deit benefisiu ho osan boot ne’ebe hetan husi projeitu, ne’e maka hala’o prjeitu laiha kualidade. “karik sira atu kontribui ba nasaun ida ne’e maka sira tenki halo duni buat ne’ebe mak kualidade, atu nune’e povu sira mos labele preokupa nafatin ba kondisaun estrada ne’e,” dehan Mateus ba JNDiario, iha Hali-Laran, lahane, Dili, Kuarta (03/10). 

Ho realidade ne’e, Mateus husu ba Governu, liliu Ministeriu ne’ebe kompotente ba projeitu estrada atu hili kompania karik tenki hili kompania karik tenki buka kompania ne’ebe hadomi duni dezenvolvimentu rai ne’e, laos entrega fali ba kompania ne’ebe hadomi ba osan. 

Tanba ne’e, wainhira atu fo projeitu ba kompania ruma tenki hare didiak, ba kompania ne’ebe iha funi kapasidade no kualidade atu labele taka hanesan kalsa kuak.

.