Relatoriu Ezekusaun OJE 2012 To’o 8 Agostu; “Minsiteriu Balun La Konsege Atinji 50%”

.

Jornal Timor Post - Sesta-feira, 05 Outubru 2012 

Relatoriu Ezekusaun Orsamentu Jeral Estadu (OJE) ba tinan fiskal 2012 husi Ministeriu balun, ne’ebe ezekusaun to’o loron 8 fulan Agostu ne’e, maioria la konsege atinji ezekusaun to’o 50%. 

Prezidenti Komisaun D ne’ebe trata assuntu Ekonomia i Dezenvolvimentu, Jacinta Abu Cau Pereira, haktuir, to’o loron ne’ebe refere, Ministeriu Fianncas ezekuta ona 40%, Ministeriu Agrikultura Peskas, ejekuta ona 47%, maibe, iha komisaun D seidauk esklaresidu kona ba verba retensaun U$ 1,337 milloens ba irigasaun Bebui iha Sub Distritu Watukari, Distritu Viqueque tanba periodu garantia hotu ona. 

Ministeriu Turismu no Comersia no Industria, ejekuta ona 36%, no 64% husi Ministeriu ne’e fahe ba Ministeriu foun rua atu ezekuta, maka Ministeriu Turismu no Ministeriu Komersiu, Industria no Ambiente maka sei ezekuta to’o 31 Dezembru 2012. 

Jacinta hatutan, Sekretariu Estadu no Arte Kultura ejekuta ona 36% iha Ministeriu Anterior, maibe iha V Governu Konstitusional ne’e Sekretariu Estadu ne’e passa fali ba Ministeriu Turismu, maibe hetan sobre pojisaun, iha dirasaun rua, ne’e maka diresaun nasional arte kultura, no industria kreativas kulturais. 

 Ajensia Dezenvolvimentu Nasional Ezekuta ona 28%, Ministeriu Petroliu no Rekursu Naturai Ejekuta ona 48%, maibe iha fundu ba infra-estrutura iha projetu tasi mane la dauk ejekuta, tanba ne’e Governu husu ba Parlamentu atu iha ratifika U$ 50 Milloens. 

.