Jornal Independente - Sesta-feira, 05 Outubru 2012
Governu Timor Leste kontinua lakohi hakruk ba opsaun husi woodside
katak kadoras mina no gas Greater Sunrise bele dada ba Floating (iha
tasi klaran) no dada ba Australia.
Primeiru Minisru Xanana Gusmao rezeita total opsaunrua ne’e, tamba
governu halao ona estudu klean ne’ebe hatudu katak, teknikamente no
komersialmente kadoras bele dada mai Timor Leste.
“Hau labele dehan, agora ne’e prosesu atu be meja ami sei hatudu
estudu mak ne’e; sira (Woodside) dehan komersial labele, ami dehan
komersial bele, sira (Woodside) dehan teknikamente labele, ami dehan
teknikamente bele estudu mak nee,” dehan PM Xanana.
Governu sei kontinua defende kadoras Greater Sunrise mai Timor-leste,
maske akordu Greater Sunrise ho Woodisde se la validu iha 2013, tanba,
tuir Xanana, ne’e dereitu povu nian.
“Hau bele dehan deit katak, estudu hotuhotu neebe governu iha ne’e,
besik atu hotu ona, agora ne’e roo bot ida atu ba sukat hodi haree
pipeline atu mai, ne’e ba sukat konsistensia rai buat sira ne’e hotu,”
dehan PM xanana Gusmao horseik hafoin fila husi estranjeiru iha
Aeroportu Comoro.
“Uluk ema Hanoin katak, ita la hatene hanoin, ita beik ten, foin
maka ukun an matan losu ba osan, hau dehan katak, sefose ita Timor oan
buka tuir de’it malae, sira mai bisubisu ba ita, funu ita lakon tiha
kleur ona,” dehan Xanana.
Tanba ne’e, PM xanana dehan, Timor Leste laos iha ambisaun de’it maibe
hatudu mos ho estudu tekniku katak, kadores Greater Sunrise mai Timor
Leste.
“Iha konfiansa tanba la’os ConocoPhilips mesak mak esplora mina iha
mundu, laos Woodside mesak mak esplora mina iha mundu, laos sira mesak
iha tekniku kona ba buat sira ne’e, rai seluk mos iha esperensia
oioin,” dehan PM Xanana Gusmao.
.
Sem comentários:
Enviar um comentário
Nota: só um membro deste blogue pode publicar um comentário.