ConocoPhillips Keixa Ba PGR: “PM Xanana La Tauk Ba Hatan Iha TR”

.

Jornal Nacional Diario - Sesta-feira, 05 Outubru 2012 

Primeiru Ministru (PM) Kay Rala Xanana Gusmao hateten katak, la tauk atu ba hatan iha Tribunal Rekursu kona ba keixa 28 ne’ebe maka kompanhia Internasional ConocoPhillips hato’o ba Prokuradoria Jeral Republika (PJR).

 “Ita husu tok ba Prokuradoria Jeral, tanba fo-foun iha kazu lima ne’ebe mak ConocoPhilips tau iha Tribunal, ohin loron kazu 28, hau mak sei ba responde nuudar Xefe do Governu, mais kazu sira ne’e, nein liu tan husi ami, neebe, hau ba sira tau tiha ona hau sei responde,” esplika PM Xanana Gusmao ba Jornalista Kinta (04/10) iha Airoportu Internasional NIcolau Lobato, Comoro, Dili, hodi konfirma kona ba deklarasaun PM Xanana nian iha media Australia kona ba ConokoPhilips no Woodside la selu taxa ba Estadu TL kuaze U$ 3 Billones. Kona ba taxa ho osan US$ 3 biloens ne’ebe kompania Woodside ho ConocoPhilips seidauk selu ba Timor Leste ne’e, fo sai iha internet iha dia 1, no bele hatene problema sira ne’e hotu. 

“Ne’e duni Xefe do Governu sei defende maka’as katak, buat ne’e la iha penyesuaian, la iha espasu ida ne’ebe buat sei lao, ami hein hela bainhira mak Tribunal bolu, tanba sira hatama liu husi prokurador Jeral Republika no haruka ona ba Tribunal,” dehan PM Xanana. 

Atu defende kazu ne’e iha Tribunal Rekursu, PM Xanana kontrata ona advogado internasional, Aren Hoks atu bele koalia diak liu tan. Chefe Governu ne’e mos dehan, laos la fiar Timor oan iha parte advogado, maibe kestaun ne’e sensitive, no oras ne’e dadaun mos Porgrama governu nian kapasita liu juis, prokurador, advogado no Defensor Timor oan, atu nune’e prosesu sira tama iha Tribunal bele lao ho kredibel. “Ita nia kbiit la iha maka ami kontrata Aren Hoks advogada ne’ebe mak ita fiar katak, iha kbi’it para atu defende kazu ida ne’e husi Prokuradoria ne’ebe tau kedas,” tenik xanana Gusmao. 

“Hau lee prosesu barak la hun la dikin, hau laos advogado, hau la hatene lee, hau la hasai dereitu, mais haree ba ami Manantutu, kuandu tau ikan, tau saboko ho sukaer ne’ebe ita han ba sei gostu, ne’e hau tenki dehan hanesan ne’e,” haklaken PM Xanana Gusmao. Parte seluk, hatan kona ba karik Governu Timor Leste sei buka kompanhia seluk hodi halo explorasaun ba mina iha Tasi Timor, PM Xanana dehan, estudu hotu ne’e ita sei haree ba oin, maibe estadu hakarak dada Pipeline mai Timor Leste. 

“Hau dehan iha Parlamentu Nasional, imi rona ka lae, agora ne’e ita ho ro’o boot ida ba sukat, ba haree iha dalan ne’ebe Pipeline atu mai ne’e (TL), iha ne’e ba sukta konsistensia rai no buat sira ne’e hotu,” tenik PM Xanana Gusmao.

.