Jornal Independente - Sesta-feira, 05 Outubru 2012
Membru Parlamentu Nasional (PN) kestiaona makaas kona ba kazu kilat
ne’ebe superior Polisia Nasional Timor Leste (PNTL) halo lakon, maibe
governu rasik lakohi fo autorizasaun ba komandu PNTL atu fo
esplikasaun ba iha PN.
Parlamentu nasional iha fulan kotuk, haruka ona karta ba komandante
jeral PNTL atu fo esplikasaun iha PN.
Maibe tuir informasaun ne’ebe mak komisaun B Parlamentu Nasional
rekoilla, Longuinhos seidauk bele hakat aan ba Uma Fukun PN, tanba
seidauk iha desizaun husi Ministeriu Defeza no Seguransa (MDS).
Ba kestaun ne’e, Deputada Domingas Alves da Silva (Bilou Mali) Husi
Bancada CNRT hateten katak, lolos komandante Jeral PNTL tenke ba
esplika kona ba kazu kilat lakon ba reprezetante povu iha uma fukun
Parlamentu Nasional.
“Nia Longuinhos tenke mai hatan, se de’it kuandu parlamentu presiza
tenki mai hatan, la’os buka fali razaun,” dehan Bilou Mali iha uma
fukun PN Kinta (4/10)
Tanba kilat ne’ebe lakon, tuir nia, ameasa ba estabilidade nasaun nian
maske numeru ne’e kiik.
“Ne’e ameasa!!! Se kilat ida lakon, ema ida lakon,” dehan nia ho seriu.
Maski nune’e, nia dehan, Parlamentu kontinua esforsu hodi bolu
komamdante jeral ba kazu ne’e, no mos sei hato’o karta pedidu ba
Primeiru Ministru hodi autoriza komandante jeral ba PN.
.
Sem comentários:
Enviar um comentário
Nota: só um membro deste blogue pode publicar um comentário.