“Peskador Na’uk “Batu LOLA” Iha Lautem”

.

Jornal Timor Post - Kuarta-feira, 03 Outubru 2012 

Peskador illegal husi Indoenzia na’uk ‘Batu Lola’ ne’ebe peskador Timor oan sira hakiak iha tasi parte Distritu Lautem nian. 

Akontesementu ne’e, akontese iha Setembru Semana kotuk liu ba, tamba Polisia Maritima no Komponente Naval husi FALINTIL-Forsa Defeza Timor Leste (F-FDTL) ladun halo seguransa ne’ebe diak hodi kontrola riku soin iha Tasi Timor, liu-liu iha parte Tasi mane. 

 “Sira tama ho ro 3, ami tenta hakbesik-an ba sira, maibe sira tuda ami entaun ami ases an hodi husu apoiu Polisia Maritima iha Lauteme para lalais atua situasaun refere, maibe Polisia to’o tarde no la konsege kaer peskador ilegais husi Indoensia, tanba ne’e sira konsege naok hotu ‘Batu Lola’ ne’ebe mak ami hakiak durante tinan barak nia laran,” informa kordenador Koral Triangle Suport Partnershep (CTSP) Tuir Pinto ba diariu Timor Post, iha Kuarta (26/9) foin lalais ne’e, liu husi via telefone. 

 “Batu Lola’ Peskador husi Indoensia naok ne’e, ninia folin karun tebes, Rui hateten, sira apoiu peskador iha Lautem hodi kuidadu ‘Batu Lola’ ba tempo naruk, fatin hakiak Batu Lola ne’e mos tama iha area protejidu.

.