PM Xanana Gusmao: “TL Tama Iha Nasaun Menus Dezenvolvimentu”

.

Jornal Independente - Kinta-feira, 20 Junho 2013 

Primeiru Ministru Xanana Gusmao hatete, Timor-Leste tama hotu iha nasaun frazilidade hamutuk ho nasaun hat nulu resin sia (49) iha mundu. 

Nia dehan, TL partensia ba rai 49 menus dezenvolvidus, tuir loloos grupu paizes 35 ne’ebe konsidera hanesan frazis ka afetadus ho konflitus. “Hau husu ba ita boot sira atu halo analizakritiku ida kona ba matematika konstrusaun estadu, atu nune’e bele hatene dezenvolvimentu rai laran too ona iha neebe,” hateten PM Xanana Gusmao, Kuarta (19/6) liu husi ninia diskursu ba parseiru dezenvolvimentu sira iha, CCD, Karkadu Lama . 

Tuir Xanana, iha mundu rai klaran, nasaun barak hamriik liu ona tinan 50, maibe sei nafatin sai hanesan nasaun frazil hela. 

Nasaun balun to’o agora hasoru hela kestaun seguransa, hodi la fo importansia ba estabildiade iha rai laran, tanba ne’e Timor Leste sai nafatin estudu mundu, hodi bele sai hanesan referensia. 

 Nune’e, nia dehan, atu atinji objetivu Millenium Development Goals (MDG) nasaun boot sira tenke konsente atu defende demokrasia. 

“Se ita la atinji objetivu ne’e, iha tinan 2015 ita sei la susesu atu dezenvolve MDG ka MDGs karik, nune’e mos krizi finanseiru mundial ne’ebe boot sei la premite ajenda dezenvolvimentu atu alkansa, tanba afetadu krize finanseiru mundial,” tenik nia. 

Ho kestaun sira ne’e, Primeiru Ministru Kay Rala Xanana Gusmao husu Timor oan tomak bele kumpriende prosesu atu harii kna’ar estadu id alao fasil. 

Tanba ne’e, iha fulan Abril tinan 2010 hala’o konferensia internasional kona ba konstrusaun paz no konstrusaun estadu, hodi forma G7+, atu nune’e bele defende parseiru dezenvolvimentu sira. 

“Nu’udar membru foun Nasoens Unidas senti katak, Timor-Leste iha dever atu kontribui ba kurize mekanismu neebe mak uza hela koperasaun ho paizes kiak no frakus, koperasaun sira husu ida-idak nia aan rasik, atu nune’e nasaun ne’ebe tam iha menus dezenvolvimentu konfesa ida-idak nia difesiensia no sala,” afirma Xefe Governu ne’e.

,