Jornal Independente - Tersa-feira, 09 Julho 2013
Ministeriu Obras Publiku (MOP) liu husi diresaun Institutu Jestaun no
Ekipamentu (IJE) hapara konstrusaun Ponte no estarda iha sub Distritu Fau-Besi, Distritu Covalima, tanba diresaun ne’e la hetan fornesementu
kombustivel.
Deputadu Bancada Frente Mudansa, Maria Adizinha Pires hateten,
ekipamentu pezadu ne’ebe lori ba Distritu Covalima atu reabilita Ponte
no estrada paradu hela tanba laiha mina no Oli.
Ne’e duni, nia husu ba MOP atu fornese mina lalais ba funsionariu IJE
sira iha area ne’e atu bele responde ezijensia Povu Kovalima, liu-liu
iha area Fat-Besi.
“Se bele Ministru Obras Publiku (MOP) bele responde kestaun ne’e,
tanba povu Distritu Covalima hakarak atu hala’o sira nia atividade
normal,” dehan nia, iha Uma fukun PN (8/7).
Iha fatin hanesan, Deputadu Inacio Moreira hateten, Povu Distritu
Covalima agradese ba Governu tanba bele halo intervensaun, maibe
infelizmente konstrusaun ne’e la kontinua tanba laiha kombustivel.
Tuir nia, dezastre naturais hanesan ponte no estrada kotu iha fatin
barak to’o oras ne’e governu seiduak responde, maibe husu nafatin atu
bele halo intervensaun lalais ba problema hirak ne’e, tanba sai nuudar
nesesidade baziku povu nian.
.
Sem comentários:
Enviar um comentário
Nota: só um membro deste blogue pode publicar um comentário.