“Polisia Baku Cameraman Max Sthal”

.

Foto de, Tcharano Masi

Jornal Independente - Kuarta-feira, 17 Julhu 2013 

Membru Polisia Nasional Timor-Leste (PNTL) ne’ebe halao seguransa ba prosesu evakuasaun komunidade sira iha eis Otel Resende halo torturasaun ba Cameraman Centro Arkivu Max Sthal Timor-Leste (CAMS-TL). 

Tuir observasaun Diario ne’e, horseik, Tersa (16/7), bainhira prosesu evakuasaun tama ba loron rua cameraman CAMS-TL hakat ba fatin ne’e hodi hasai filmazen, maizumenus iha tuku 9 dader bainhira hasai hela imajen iha parte kotuk eis otel Resende, membru Polisia balun besik ba hodi husu atu taka kamera no husu atu hatudu kartaun identidade jornalista. 

 Maibe, sorte aat ba Geraldo tanba nia la lori kartaun identidade, nune’e polisia hasua nia kamera no katptura hodi lori ba eis Otel Resenda nia oin, la to’o ne’e de’it, bainhira halo hela diskusaun ho jornalista Cameraman seluk, Almedia Espirito santo Ximenes ne’ebe hasai imajen iha ne’eba, derepenti membru PNTL ida tebe Geraldo nia hirus matan. Almeida ne’ebe sai sasin hateten, iha momentu ne’ebe nia dehan ba polisia sira katak, Geraldo nudar Cameraman CAMS-TL. 

“Hau triste tanba kolega ne’e la halo asaun kontra ka hakilar ka tolok, maibe polisia sira tebe nia no silu nia liman,” konta Almedia. Hafoin ida ne’e, membru Polisia sira kontinua lori Geraldo hodi detein iha sela Polisia Distritu Dili. 

,