Jornal Independente - Tersa-feira, 09 Julho 2013
Prezidenti Partidu FRETILIN, Francisco Guterres Lu-Olo senti iha buat
balun la loos kona ba prezensa Primeiru Ministru Xanana Gusmao nia
prezensa iha edifisiu KOmsiaun Anti Korupsaun (KAK), foin lalais ne’e.
Lu-Olo dehan, tuir Loloos Primeiru Ministru la presiza aprezenta aan
ba KAK, maibe KAK mak tenke ba gabinete PM Xanana nian hodi rekolla
informasaun hirak ne’e, tanba presenza Xefe Governu maka hakarak
aprezenta aan, nusa mak KAK mak bolu Xefe Governu.
“Loloos ne’e KAK ba simu iha Primeiru Ministru iha ninia gabinete,
maibe Primeiru Ministru rasik mak ba iha KAK,” tenik Lu-Olo, iha sede
Comite Central FRETILIN (CCF), Komoro, Dili (8/7).
Nia hatutan, dokumentu ne’ebe Primeiru Ministru Xanana aprezenta ba
KAK la klaru nia kontidu ne’e saida, tanba tuir informasaun dokumentu
kona ba konstrusaun Estrada no Ponte, maibe dokumentu sira seluk mos
bele sikat iha leet.
Entertantu, Primeiru Ministru Xanana Gusmao, sesta (5/7) aprezenta ona
dokumentu ba Komisaun Anti Korupsaun hodi fasilita prosesu
investigasaun ba kazu mal administrasaun no korupsaun iha instituisaun
governu nian.
.
Sem comentários:
Enviar um comentário
Nota: só um membro deste blogue pode publicar um comentário.