"HNGV Kontinua Falta Ekipamentus"

.

Jornal Nacional Diario - Sesta-feira, 19 Julhu 2013 

Hospital Nasional Guido Valadares (HNGV) kontinua infrenta falta ekipamentus hanesan laiha printer, tinta foto kopi no sleuk tan nune’e bainhira presiza ruma tenke halai tun sai buka rental. 

Lia hirak ne’e hato’o husi fontes konfirmadu husi tekniku professional da saude iha HNGV ba jornalista sira kinta (18/7), deklara oras ne’e dadauk HNGV infrenta falta ekipamentu importante lubun boot ida maibe nunka hetan reasaun husi Mministru saude (MS) mesmu ke proposal hato’o dala barak ona ba MS. 

“Ita boot sira haree rasik, ami atu foto kopi ruma ou print buat ruma tenke halai ba iha rental sira ne’e, tanba iha ne’e printer aat hotu ona i tinta mesin foto kopi nian deit tinta laiha hotu ne’e halo nusa? 

Proposta halo dadauk no hato’o dadauk maibe laiha resposta, ami hein deit to’o agora maibe bainhira los mak sasan sira ne’e mai para ami uza,” hateten fontes ne’e. iha fatin hanesan, Administrador HNGV, Framcisco do Rego rekunese katak, durante ne’e HNGV infrenta duni falta ekipamentus tamba ekipamentus ne’ebe durante ne’e HNGV iha ho durasaun tempu ne’ebe barak ona hanesan tinan 10 ba leten maibe HNGV hatoo ona proposta ba MS nune’e hein deit tenderizasaun mesmu seidauk hatene data los. 

“Ekipamentus falta ne’e tamba ekipamentus ita iha nee balun nia durasaun tempu kleur ona, kuaze tinan 10 resin,” dehan nia. 

,