“PR La Simu Uma Luxu Emilia Pires”

,

Jornal Independente - Tersa-feira, 16 Julhu 2013 

Uma rezidensia Ministra Financas (MF), Emilia Pires ne’ebe lokaliza iha Igreija Motael sorin kontinua sai polimika iha publiku, uma luxu antes ne’e, destina ba MF Emilia Pires, maibe ikus mai entrega fali ba Prezidenti da Republika Taur Matan Ruak ho nia familia atu hamahan-an iha laran. 

 PR Taur hateten, nia sei la simu uma luxu ne’e tanba laiha planu ba konstrusaun no objetivu ne’ebe mak lolos, laos ba halo instituisaun seluk, maibe fo fali ba nia. Uma luxu ne’e, estadu harii ba rezidensia Ministra Financas Emilia Pires nian maibe hafoin konstrusaun ne’e remata, tuir informasaun MF Emilia hakarak entrega fali ba PR taur. 

“Palasiu ne’ebe m ak haruka hau ba hela iha ne’eba, hau la simu i ba simu ne’eba halo saida,” hateten Xefe Estadu Taur Matan Ruak foin lalais ne’e iha eis salaun CNRT Balide, Dili. 

Entertantu, Izabel Fereira rezeita informasaun ne’ebe dehan membru governu balun tenta halao ona aprosimasaun ho nia. 

 “To’o agora ema seidauk halo aprosimasaun ho hau, maibe, se sira mai mos resposta ida ne’e, mak hau sei fo, ami laos buka palasiu mak atu sai prezidenti, tanba ami mai para atu servi povu no ajuda povu ne’ebe mak presiza ami nia tulun, laos buka palasiu,” informa Isabel. 

Aleinde ne’e, Premeira dama rekonese katak, uma neebe mak dadauk ne’e sira hela sufisiente ona ba nia familia hodi hela, ne’e duni, sira la iha intensaun atu hakarak hela iha uma palasiu.

,