“Joao Cancio ‘Kumprimenta’ KAK”

.

Jornal Nacional Diario - Kinta-feira, 18 Julhu 2013 Eis 

Ministru Edukasaun, Joao Cancio Fretitas, Phd, Kuarta (17/7), tku 08:00 OTL, absensia tiha ona iha Komisaun Anti Korupsaun (KAK), hodi kumprimenta servidor no investigador sira iha KAK. 

Prezensa eis Ministru Joao Cancio Freitas, Phd, iha KAK hodi submete ba investigasaun daruak nian konaba kazu abuzu poder, Korrupsaun, kolusaun no nepotismu (KKN). 

Eis Reitor Dili Institute of Technology (DIT) ne’e hetan akuzasaun involve iha kazu abuzu de poder no KKN wainhira sei assume kargu nudar Ministru Edukasaun iha Mandatu IV Governu Konstitusional Periodu 2007-2012. 

Joao Cancio Freitas, Phd, to’o iha Edifisiu KAK, Farol, Dili, ho Kareta Toyota Land Cruizer, hodi submete kedas ba prosesu investigasaun daruak nian to’o tuku 10:30 Otl. Hafoin investigasaun, Joao Cancio lakohi koalia ba media ho razaun KAK bandu nia atu koalia sai ba imprensa. 

“Hau labele fo imformasaun buat ida ba imi, tanba KAK bandu hau la bele koalia, imi (Jornalista-red) hakarak husu bele diretamente ba sira KAK,” hateten Joao Cancio Freitas hodi hakat liu ba sa’e kareta. 

Antes ne’e, eis Ministru Joao Cancio Freitas, Phd, mos presta ona deklarasaun iha KAK kona ba Kazu prosesu hari Televizaun edukasuan iha Ministeriu Edukasaun iha tempu Governu Aliansa Maioria Parlamentar (AMP). 

ha momentu ne’eba, Joao Cancio informa katak, nia mai presta deklarasaun iha KAK hanesan sasin hodi fo informasaun ba KAK sobre prosesu sira ne’e.

,