“Membru Artemarsiais Kontinua Treinu Kalan Iha Beto”

.

Jornal Independente - Tersa-feira, 09 Julho 2013 

Komunidade balun iha Beto sai sasin ba atividade membru artemarsiais ne’ebe kontinua hala’o treinamentu iha tempu kalan, maske governu hasai ona rezolusaun ida hodi taka permanente. 

“Iha ami nia bairu ne’e mai bele dehan katak, treinamentu grupu artemarsiais Persaudaraan Setia Hati Terate (PSHT) ne’e sei iha, no sira sempre treinu subar-subar tuir orariu ne’ebe sira marka ona,” hateten komunidade Beto ne’ebe lakohi publika nia identidiade ba INDEPENDENTE, tanba tau grupu artemarsiaa asalta fali nia hela fatin Kampung Merdeka, Dili. 

Nia konfesa katak, gurupu ne’e sempre hala’o hela treinamentu bazeia ba orariu treinamentu nian, nia dehan, membru artemarsiais ne’e bvainhira atu treinu sira hatais sivil atu nune’e ema labele identifika. 

Iha fatin seluk, komunidade Beto ho inisial B mos konfesa katak, grupu artemarsiais ne’e sei hala’o treinamentu sub-subar hela iha sira nia bairu. Nia apela ba parte seguransa Polisia Nasional Timor Leste (PNTL) atu bele peskiza lolos kona ba problema ne’e, atu nune’e labele iha tan vitima. 

Tanba tuir nia, Parte Beto ho Kampung Merdeka ne’e hanesan bairo konflitu no la seguru, ne’e duni komunidade husu ba parte PNTL atu bele deskobre lalais fatin hira ne’e. 

Aliende ne’e, Okamndu PNTL sei hasai nia membru sira ne’ebe oras ne’e sei ativu iha artemarsiais. Segundu Komandante PNTL Afonso de Jesus hatete, hotu-hotu tenke respeita ba rezolusaun governu, nia dehan, sei identifika nia membru balun ne’ebe mak sei ativu. 

“Hau pesoal sei fo apoiu tomak ba governu nia rejulusaun ne’e, karik iha membru PNTL nian mak ativu nafatin iha artemarsiais hau hanesan komandante, diak liu hasia tiha membru ne’e,” hateten Afonso ba Jornalista sira iha Segunda (8/7) iha kuartele Jeral PNTL, Kaikoli, Dili.

.