“BK Seidauk Desidi Remodelasaun Governu”

.

Jornal Nacional Diario - Kuarta-feira, 10 Julhu 2013 

Maske Primeiru Ministru (PM), Kay Rala Xanana Gusmao promete ona atu halo remodelasaun Governu maibe to’o oras ne’e Bloku Koligasaun (BK) seidauk tur hamutuk hodi desidi remodelasaun Governu ne’e. 

 “Remodelasuan ne’e prosesu normal ida, tanba agora dadauk ne’e ami hala’o ona iha tinan ida, maibe partidu koligasaun seidauk tu’ur hamutuk para haree buat ne’e, tanba hotu-hotu esforsu atu serviso lai,” dehan Sekretariu jeral Partido PD, Mariano Sabino ba Jornalista sira iha aeroportu Internasional Prezidenti Nicolau Lobatu Comoro Dili, Tersa (09/7) horseik kona ba pozisaun PD nian ba remodelasaun Governu. 

Nia dehan tan katak, iha tinan 2013 ne’e, iha prosesu sistema foun, ne’ebe mak tenke liu husi Governu nian, Governu lori ba Tribunal, tanba hakarak membru Governu sira konsentra hodi halo serviso ho diak. Sekjen Partido Demokratiku ne’e dehan, remodelasaun ne’e depende ba Primeiru Ministru ho Prezidenti tolu, Sekretariu Jeral tolu, tanba iha koligasaun ne’ebe partidu koligasaun halo, hakarak esforsu no apoiu Governuida ne’e la’o ba oin nafatin. 

Asanami esplika katak, remodelasaun ne’e normal ba membru Governu hotu, tanba iha koligasaun mos hateten katak, tinan ida mak serviso la lao, ministru ne’e tenki troka. 

“Atu hatete katak, Partidu PD, CNRT no Frenti-MUDANCA kuandu tuur hamutuk ne’e, tanba iha prinsipiu hanesan, defende planu estratejiku,” nia koalia. 

Asanami haklaken tan katak, hot-hotu tenke esforsu an atu oinsa mak servisu governu nian ne’e la’o, tanba governu ida ne’e hakarak tama ba iha sistema ida ne’ebe dehan governu modernu, sistema ida ne’ebe diak, no transparansia ne’ebe diak, i sistema ida ne’ebe tenki liu husi padraun internasional. 

“Maibe atu kumpri sasan sira ne’e ita nia ema nia konesementu seidauk to’o iha ne’eba, tanba ne’e ita sei la’o neneik,” tenik nia. A

sanami komenta tan katak, partidu koligasaun hare katak, tenke haree buat balun ne’ebe tenke esforsu para la’o lalais, maibe iha Governu nia laran ne’ebe mak kumprende tansa mak la’o tarde no tansa mak la’o neineik, tanba Parlamentu foin mak reaprova fali sistema balu ne’ebe mak tenke liu husi rotunda naruk ida. 

.