Rezidensia MF Dudu Ba PR: “Fundasaun MAHEIN Husu Justifikasaun Ba Publiku”

.

Notisia Husi TVTL - Kuarta-Kalan, 10 Julhu 2013 

Fundasaun MAHEIN la konkorda ho rezidensia ne’ebe harii husi Governu ba Ministeriu Financas (MF) atu entre ba Prezidenti da Republika (PR) Taur Matan Ruak. 

Razaun Fundasaun MAHEIN la konkorda tamba kestaun seguransa no bele fo ameasa ba Prezidenti da Republika nia familia. Rezidensia ofisial ne’e, tuir informasaun ne’ebe fundasaun MAHEIN hetan durante ne’e katak, membru governu balun komesa halo aprosimasaun ba Primeira Dama Isabel Fereira atu entrega rejidensia ne’e ba Prezidenti da Republika, maibe Fundasaun MAHEIN la konkorda tamba razaun seguransa no fatin ne’e publiku tebes, bele fo amesa ba Prezidenti da Republika no nia familia. 

“Ita hare ida ne’e katak laos hanesan dignifika, maibe sai hanesan ameasa ba Prezidenti da Republika, tamba ami haree rezidensia ofisial ne’e rasik besik iha fatin publiku hanesan Jardim no fatin publiku, ne’ebe bele amesa ba Prezidenti Republika, pruzemplu ema bele aproveita konsentrasaun publiku bele hao lansa mos buat ruma hasoru Prezidenti Republika, segundu iha estrada ibun, movimentu publiku maka’as i nune’e mos besik iha portu Dili, bele fo mos impaktu ba iha rezidensia ne’e rasik,” dehan Joao Almeida. 

 Fundasaun MAHEIN mos husu ba Prezidenti da Republika no Primeira Dama hodi fo justifikasaun ba publiku, karik simu rejidensia ne’e hodi hela. 

“Fundasaun Mahein enpartikularmente husu Prezidenti da Republika no Primeira Dama deklara publikamente ba povu ne’ebe informasaun ne’ebe oras ne’e espaila iha komunidade nia leet atu konvidade la bele duvida, tamba rejidensia ne’e, antes ne’e distina ba Ministra Financas maibe ikus dudu tiha dali ba prezidenti da Republika, ida ne’e Fundasaun MAHEIN husu Primeira Dama no Prezidenti da Republika atu esklarese ba povu,” deklara Joao Almeida. 

 Fundasaun MAHEIN no TLMDC (Timor Leste Media Development Centre) mos kestiaona no duvida kona ba servisu seguransa no defeza iha Timor-Leste nian, ne’ebe dala barak taka ba publiku no liu-liu kona ba Governu atu sosa Aviaun 2 ba Forcas Armadas Timor-Leste.

,