“FRETILIN Preokupa Maioria Povu Hela Iha Uma Aat”

.

Jornal Independente - Segunda-feira, 15 Julhu 2013 

Bankada FRETILIN preokupa no kestiona maioria povu Timor-Leste, kuaze Pursentu 80, mak sei hela iha uma aat no laiha kondisaun masimu hodi hakiak labarik sira ne’ebe sai tarjeitu ba futuru nasaun. 

Deputadu bancada FRETILIN, Francisco Miranda Branco hateten, maske Governu hasai ona osan barak, maibe realidade povu barak mak sei moris kiak no susar. 

“Ita nia populasaun liu pursentu 80 sei hela iha uma kondisaun aat tebes no seidauk reunika kondisaun minimu atu sai hela fatin ne’ebe saudavel,” dehan nia iha Parlamentu Nasional bainhira halao reflesaun ba politika Governu, sesta (12/7). 

Maibe, tuir nia, kintu governu konstitusional ne’ebe lidera husi Primeiru Ministru Kay Rala Xanana Gusmao konsege iha programa ida atu harii uma 5 ba komunidade kada aldeia liu husi projeitu MDG’s. Maibe, tuir nia, projeitu MDG’s ikus mai nakfila aan sai fali mega-projeitu hodi hatii uma Kobbi-house ba hela fatin populasaun sira ne’ebe material tomak halo iha rai liur, depois lori mai polmomtazen iha TL ho nia folin uma ida maizumenhus Rihun U$10. 

“Ami kalkula liu pursentu 70 to’o pursentu 80 orsamentu ida ne’e ba hotu rai liur no iha rai laran kala la to’o pursentu 20 to’o pursentu 25 no uma hirak ne’e laiha subtentabilidade,” dehan nia. 

Aat liu, tuir nia, uma MDG’s maioria seidauk iha bee moos no laiha saniamentu diak tanba forsa populasuan ne’e halo material plastik iha ligasaun ho baleta mak sei hamosu poluasuan boot ba saude labarik sira. 

Tuir nia, karik prjeitu uma MDG’s mak halo ho material produtu lokal TL sei fo investimentu boot ba komundiade no bele loke kampo serviso. 

Foto de, " Lian Parlamentar Fretilin".

.