“Governu Ameasa Black List Konsultores Projeitu Governu”

.

Jornal Nacional Diario - Kuarta-feira, 17 Julhu 2013 

Primeiru Ministru Kay Rala Xanana Gusmao deklara katak, Governu sei hadia no Black List konsultores projeitu Governu sira hotu, tanba la ativa servisu. 

“Bloks da Vinsi ne’ebe ami konese nu’udar konsulta, maibe imi sira ne’e mak ‘is coming’ hela deit, ita to’o iha fatin ida husu dehan konsultan iha ne’ebe, ‘is coming’, tanba ne’e agora ba oin konsultor sira nee ita hadia hotu no block list hotu,” dehan Xefe Governu Kay Rala Xanana Gusmao, iha edifisio foun Comisaun Nacional das Eleicoes (CNE), Colmera, Dili, Tersa (16/7). 

Xanana dehan, nia vizita CNE atu haree edifisiu ne’ebe atrazadu, maibe lao deit konstrusaun ida ne’e, maibe mos edifisiu Ministeriu Justica nian, edifisu Komisaun Funsaun Publiku sira ne’e hodi eziji ba malu atu hotu-hotu book an,” dehan Xanana. 

Xanana hatutan tan katak, Governu halo ona reuniaun Konsellu Administrasaun Fundu Infraestrurura (KAFI), no iha reuniaun ne’e hateten katak, Kompania Atramor la book-an, tanba la book-an ne’e mak iha problema. 

Xanana tenik tan, ho hahalok Atramor nian ne’ebe la-book an ne’e mak governu tenki responde ba Trinual no responde ba parlamentu. “Ita hasoru malu iha ne’e ho seridade, tanba husi books da vinsi, liu-liu husi Atramor, tanba la kleur tan KAK sei bolu fali ami tanba sa mak hanesan ne’e, tanba ne’e mak sistema ne’ebe monta iha estadu ida ne’e, sistema kontrolu ne’ebe maka’as, todan no diak ba ita hotu, lae ita mak toba hela deit ita nia rain la lao,” dehan Xanana. 

PM Xanana informa katak, atu fo hatene mos ba kompania Atramor katak, Governu sei prolonga tmepu atu bele ezekuta projeitu ne’e ho lalais, tanba lolos ne’e kontratu hotu kleur tiha ona. 

Xanana realsa katak, progresu fiziku iha edifisu 58%, maibe tempu kleur demais, haree ba jestaun kompania ninian ladiak no husi boks da vinsi ne’ebe hanesan konsultan mos ladiak hotu. 

.