“PM Xanana Konsidera Membrus CPLP Melamun”

,

Jornal Nacional Diario - Tersa-feira, 16 Julhu 2013

Primeiru Ministru (PM) Kay Rala Xanana Gusmao hateten katak, Comunidade dos paises da Lingua Portuguesa (CPLP) sira sei bilan hela, tanba ukun an tinan barak ona, progresu iha sira nia rai laiha mudansa.

“To’o ohin loron nasaun sira CPLP hau la dehan dukur, maibe bahasa dehan ‘malamun’, tanba iha relasaun istorika ho CPLP liga ne’ebe, liga ba mai, tanba ne’e mak hau dehan ‘melamun’ hela deit,” esklarese PM Xanana Gusmao, iha academia PNTL, Comoro, Dili, segunda (15/7).

Tuir Xanana, TL atu esforsu an ba prezidensia CPLP ne’ebe bele muda buat hotu, tanba iha Timor Leste ne’e iha patrinomia istoria ne’e iha, maibe la liga ba mai hanesan CPLP sira.

Tamba ne’e Xanana dehan, labele kaer ida ne’e hodi konfia buat hotu, tanba sei la intende buat ida kuandu hanesan ne’e hela deit. “Iha tinan mai ne’e, TL simu Prezidenti CPLP, atu bele oinsa Prezidensia CPLP ne’ebe ita atu kaer ne’e, produz buat idak ba atividade ida ne’e,” Xanana koalia.

Xefi Governu ne’e esplika, prosesu iha TL, ema bele haree ona buat barak, maibe iha Guine Bisau tinan 39 ona, maibe seidauk hetan konsensia katak, saida mak akontese iha sira nia rai laran.

“Ida ne’e akontese tanba sira kopia buat hotu nasaun seluk, hanesan ita agora ne’e kopia lei no buat hotu, tanba buat sira ne’e hotu mak ita atu prepara atu iha tinan rua mai ne’e ita atu simu kna’ar Prezidensia CPLP,” Xanana haktuir.

 Xanana hatutan katak, Portugal agora dadauk ne’e infrenta krize ekonomika ke boot tebes, no nia governu mos infrena dadauk krize politika ida ne’ebe todan.

“Ita agora ne’e lao diak, maibe importante ita tenki rekonese katak, ida ne’e sei falla, no ida ne’eba sei falla, atu nune’e bele kurizi nafatin,” tenik Xanana.

Xanana haktuir katak, TL nia kbi’it, fo ona reprezentasaun ONU iha ne’eba, tanba TL buka atu kaer kauza ida ba TL atu ba prezidensial, tanba kuandu TL konsege rezolve situasaun Guine Bissau nian, bele hateten katak, TL komesa lao dadauk ona.

“Tanba ne’e mak komesa hahu ona ho PNTL, tanba sira mos ba Gune Bissau, hodi fo apoiu no hatudu ba sira katak, dalan ne’ebe sira hili ne’e sala, dalan ida ne’e mak los, hodi dudu sira sai husi situasaun agora ne’e,” katak Xanana.

.