“Membru PNTL 7 Involve Artemarsiais”

.

Jornal Nacional Diario - Kinta-feira, 18 Julhu 2013 

Komandante jeral Polisia Nasional Timor Leste (PNTL), Komisariu Longuinhos Monteiro, simu ona informasaun katak, membru Policia nain 7 identifika ona involve iha grupu arte marsiais, tanba ne’e Komisariu fo ona opsaun rua hakarak Policia ka sai ba ema sivil. 

Membru PNTL hira ne’e mai husi Unidade no sub unidade. “Hau rona iis alerta ba komandante unidade n’ komandante sub unidade sira katak, iha membru senior identifika kompostu husi sira nain 7 hanesan ne’e, ne’ebe mak sei justifika no hau haruka komandante buka tanba alerta ona, karik ikus mai iha loron ohin, aban ka bairua mak hau justifika ida ne’e los, komesa husi nia komandante sub unidade hau sei hola nia medidas seriu,” dehan Komjer PNTL, Longuinhos Monteiro, hafoin remata graduasaun membru UEP iha Bairo-Pite, Tersa (16/7). 

Nia hatutan, sirkular komandu nia hasai ona ba estrutura tomak PNTL, ne’ebe karik iha kotuk ho razoens oioin imi hakbesik aan ba organizasaun arte marsiais ne’e sei iha sensaun. 

 “Durante ne’e informasuan husi komandu iha, maibe iha pasadu membru sira involvimentu ne’e hau la interese dezde que sira la tun diretamente, maibe agora rona ona informasuan, alerta virkulu sira ne’e, ba oin nia labele, maibe buat ne’ebe mak iha kotuk bele halot iha armariu hodi sai hanesan istoria deit, no hau la bandu buat pasadu nian, maibe bandu buat ne’ebe mak ba oin,” nia dehan. 

 “Hau esplika toleransia zero signifika saida, maibe dutrina ita nia eziji buat ida deit katak, ita ne’ebe mak hili dalan servi nasaun liu husi instituisaun ida ne’e, mai ita tenki kumpri dever no obrigasaun no mantein ita nia kna’ar, hodi servi estadu no iha futuru bele manan orgunlhu ba honra instituisaun nian,” Longuinhos afirma. 

Tuir Longuinhos, kuandu iha operasaun ne’e identifika ema PNTL maka ‘bekas’ hela muda nia ba servisu fali iha fatin sleuk, se ba iha terenu maka membru sira envolve iha arte marsiais kaer prosesu nian no hasai nia husi PNTL. 

,