“Diskonfia FP Involve Kazu Oho Estudante Iha Malang”

.

Jornal Nacional Diario - Kinta-feira, 18 Julhu 2013 

Komadante Policia Servico Investigacao Criminal Nacional (SICN), Superitendenti, Calistro Gonzaga , informa katak, kazu oho malu iha Malang, Indonesia, foin lalais deskonfia fungsionariu publiku (FP) balun involve no oras ne’e kazu refere iha prosesu investigasaun. 

 “Hau hanoin vizita ami nian mos rona hela informasaun sira ne’e husi estudante balun, maibe ne’e foin maka informasaun dehan iha membru PNTL nain 1, fungsionariu publiku Director nain 1 no mos sira nia maluk balun ne’ebe servisu iha instituisaun Estadu nian mos envolve hotu iha kazu ne’e nia laran,” dehan Komandante Policia SICN, Superitendenti, Calistro Gonzaga ba Jornalista sira wainhira partisipa iha serimonia graduasuan UEP nian 70 iha Bair-Pite, Tersa (16/7). 

Tuir komandante ne’e katak, sira nia parte hetan ona informasaun informal nian, maibe seidauk iha informasaun formal tanba sei iha prosesu investigasaun nia laran. 

 Calistro Gonzaga fiar, kazu ne’e iha tempu badak nia laran foin detekta lolos ema sira ne’e funsionariu ka lae, informasaun lobuk ida mos Polisia rekoila iha Provinsia Surabaya, malang, no Jakarta, hein katak sei halo mos relatoriu klaru ba superior indikasaun maka’as asaun krime ne’e entre artemarsiais. 

Tanba ne’e mak autoridade policia Malang kaptura ona estudante sidadaun Timor-Leste nain 5 no agora sira iha prosesu detensaun hela, no balun sei buka tuir, ne’ebe iha indikasaun mai tiha Timor-Leste. 

“Sira hirak halia mai Timor ne’e ami mos kompromete ona ho Kapolres Malang hodi buka tuir,” tenik Calistro.

.