“Turista Australia Husu Kafe Iha Palacio Governu”

.

Jornal Independente - Kinta-feira, 18 Julhu 2013 

 Turista balun hanoin Palacio Governu ne’e Otel Boot ida iha kapital Dili, Timor-Leste, iha kuarta-feira (17/7), turista nain tolu ho labarik nain ida tama ba Palacio Governu hodi husu kafe hemu ba seguransa civil iha portaun gabinete Primeiru Ministru nian. 

Seguransa sivil folivre ba turista husi Australia ne’e hodi tama ba Palacio Governu. Tuir seguranca sivil ida iha palacio do governu hatete katak, tuirsta hirak ne’e, nain rua husi Australia derepenti tama portaun palacio do Governu laiah autorizasaun husi seguransa sivil ne’ebe iha portaun boot besik dalan akait nian no tama liu husi portaun boot edifsiiu Autoridade nasional petroliu nian. 

Hafoin tama liu tiha palacio laran, ema Australiana kompostu husi feto nain rua ho labarik mane oan ida dudu ho andurinu. Turista Australiana ida besin an ba seguransa Sivil (besik jornalista sira hein fatin, inklui seguransa korpu pesoal sira) hodi husu kafe iha ka lae? 

 Seguransa sivil sira hatan ba Australia nain rua ne’e katak, ne’e laos Otel, maibe Palacio Governu, nune’e, Feto nain rua ne’e hakfodak. 

Hafoin ida ne’e, Australiana nain rua ne’e sai mai liur hodi baku fao odamatan kareta Primeiru Ministru no Vise Primeiru Ministru ne’ebe para hela iha palacio oin, liu tiha minutu hirak nia laran, turista sira ne’e fila kedas liu husi portaun kiik, iha Toko Lay nia sorin. 

 Tuir observasaun Jornal INDEPENDENTE iha Palasio nota katak, feto Australiana nain rua ne’e atrazadu liu, tanba hatais ho modelu turista halo korpu seguransa pessoal sira preokupa, tanba hatais hanesan ne’e lolos seguransa sivil bandu labele tama iha palacio, satan iha oras serviso nian.

.