“Operasaun Polisia Konsege Kaptura Kriminozu 12”

.

Jornal Nacional Diario - Kuarta-feira, 17 Julhu 2013 

Operasaun ne’ebe hala’o husi Policia Nacional Timor Leste (PNTL), konsege kaptura ema nain 12 ne’ebe deskonfia organiza hodi hamosu krimi no uza atributu artemarsiais. 

Komandante Jeral PNTL, Komisariu Longuinhos Monteiro, hateten katak, operasaun ne’ebe sira hala’o iha loron tolu nia laran ne’e konsege kaer ema nain 12 ne’ebe mak deskonfia atu oragnaiza hamosu krimi ruma no nain 4 uza atributu artemarsiais, maibe nia la temi atributu artemarsiais husi organizasaun nebe. 

“Ita foin mak hahu loron tolu ne’ebe ita sei kaer tan ema barak,” informa Longuinhos ba Jornalista sira iha Edifisiu UEP Bairopite Tersa (16/7). 

 .

Nia hatutan, operasaun ne’e hala’o mos iha Distritu sira identifika hotu ona fatin sira ne’ebe durante artemarsiais sira nia uma, tanba ne’e kuandu mosu buat ruma sira ba deit iha sira nia uma no wainhira membru sira ne’e la halo aksaun brutal ruma Policia sei la kaer sira. 

“Hau dehan operasaun ne’e sei la para to’o tinan hau dehan para mak para,” dehan Longuinhos. 

Kona ba konffrontasaun iha Becora hodi hakanek ema balun, nia dehan, ne’e kauza husi lanu no iha momentu ne’e kedas Policia hakalma situasaun no kaptura kedas suspeitu nain rua, ne’ebe agora dadaun situasaun iha fatin refere la’o kalma fali ona. 

 Longuinhos hatutan tan katak, kazu ne’e akontese laiha ligasaun ho artemarsiais tanba iha grupu rua ne’e maibe UEP tu’un halo kedas intervensaun. 

.