“FRETILIN Prontu Tama Governu Xanana”

.

Jornal Independente - Tersa-feira, 09 Julho 2013 Partidu 

Opozisaun FRETILIN deklara pronto envolve an iha Governasaun Xanana Gusmao, maibe tenki iha akordu ida antes. Lider FRETILIN hakarak hamutuk ho Xanana hodi dezenvolve nasaun no povu ne’e, karik konvida relasiona ho planu remodelasaun iha tinan ne’e. 

“Remodelasaun ne’e tenki klean no tenki haree ba asepeitu hotu-hotu, ne’ebe hakarak envolve FRETILIN, FRETILIN fo apoiu, ideas mais atu lori FRETILIN hodi hola parte iha remodelasaun ninian tenki iha aordu ho FRETILIN,” Informa Lu-OLo ba Jornalista sira iha CCF, Segunda, (08/7). 

Nia konkorda no apiu ho deklarasaun Primeiru Ministru Xanana Gusmao iha semana kotuk atu halo remodelasaun ba membru Governu sira atu bele hetan solusaun ba problema governu nian. Maibe, LU-Olo mos la esplika dataillu kona ba problema ne’ebe durante ne’e Governu hasoru no sasukat saida ba remodelasaun ne’e rasik. 

 “Hau pesoalmente bele hateten ami (FRETILIN) fo apoiu ba deklarasaun Sr. Primeiru Ministru nian para atu halo remodelasaun iha governu nia laran, hanesan dalan ida ne’ebe uniku teb-tebes par abele hetan solusaun ba problema Governu nian,” dehan Eis Prezidenti PN ne’e. 

Tuir nia katak, dala atu la fasil fakar osan arbiru iha futuru mak tenki liu husi dalan remodelasaun. Tuir informasaun ne’ebe espailla iha publiku katak, karik halo duni remodelasaun maka sei involve mos ema nain hitu (7) husi opozisaun ba assume kna’ar hanesan Ministru, no mos nia (Lu-Olo) sei assume mos pasta nuudar Vice Primeiru Ministru ba asuntu defesa no seguransa. 

Lu-Olo responde katak, atu lori membru FRETILIN ka lider FRETILIN ba Govrnasaun ne’e tenke koalia ho FRETILIN, tanba nia nuudar Prezidente Partido FRETILIN, laos ema baibain. 

 “Atu halo boot liu fali, member governu nian 50 seidauk to’o ne’e bele halo boot liu tan mas iha, bele halo kiik liu tan mos bele iha, bele kaer fali diretor ida ba fali ministeriu seluk, no Vice Ministru, Vice Ministru id abele ba fali diretor, ne’e hola parte hotu iha remodelasaun,” dehan Lu-Olo. 

 Tuir Prezidenti Partiu FRETILIN Lu-Olo nia haree katak, membru governu balun servisu ho vontade diak maibe balun servisu la dun diak. “Hau hakarak atu hateten, membru governu balun iha vontade para atu servisu, no senti esperito patriota nasionalista maibe sira servisu mak la diak tamba saida, tanba orsida sistema mos la diak, entaun liga fali ba remodelasaun ninian, no hau dehan deit hanesan ne’e, remodela ne’e remodela deit ema ka, remodela sistema hotu, politika, lei organiku governu ninian no buat sira seluk tan,” katak nia. 

Antes ne’e, Primeiru Ministru (PM), Xanana Gusmao deklara ba jornalista sira foin lalais ne’e iha CCD, katak sei halo remodelasaun tanba iha membru governu no diretor balun mak servisu pasivu laias ‘yes man’. 

Xefe Governu mos husu ba Membru Governu ne’ebe la hatudu prestasaun servisu, diak liu rejigna an atu ba harii kompania Unipessoal sira, atu nune’e bele hetan projeitu eletrisidade. Iha sorin seluk mos antes nee, Foruk organizasaun No Govermental Timor-Leste (FONGTIL) fo suporta ba Primeiru Ministru Xanana Gusmao ne’ebe mak atu halo remodelasaun ba member governu sira ne’ebe yes man deit, maibe servisu la lao ba oin. 

.